Për të shmangur gripin dhe ndërlikimet që virusi mund të shkaktojë te njerëzit më të brishtë apo më të moshuar, vaksina e gripit do të jetë elementi kryesor që do të sjell parandalimin e përkeqësimit të simptomave gripale.
Vaksina kundër gripit është mënyra më e sigurt për të parandaluar të gjitha ato simptoma, nga ethet te kolla dhe deri tek dhimbjet e muskujve, të cilat godasin veçanërisht në dimër me ardhjen e motit të ftohtë. Dhe është gjithashtu më e efektshmja në reduktimin e komplikimeve që mund të lindin, veçanërisht tek individët e brishtë dhe të moshuar, nëse ata kontraktojnë virusin.
Vaksina kundër gripit: Si, ku dhe kur
Çdokush mund të marrë vaksinën, por nëse personi nuk ka ndonjë patologji të veçantë, mund ta bëjë këtë. Nëse, nga ana tjetër, ju i përkisni kategorive specifike, atëherë ajo ofrohet falas
Këto janë:
Mbi 60 vjeç dhe fëmijët nga 6 muaj deri në 6 vjeç
Gratë shtatzëna ose “paslindjes”
I gjithë sektori mjekësor, duke përfshirë personelin e kujdesit shëndetësor
Anëtarët e Forcës së Policisë, Brigadës së Zjarrfikësve apo kategorive të tjera të dobishme nga ana shoqërore
Dhurues gjaku
Mbarështuesit dhe punëtorët në përgjithësi në sektorin agroushqimor
Për kë këshillohet më shumë?
Pastaj janë të ashtuquajturat kategori rreziku për të cilat rekomandohet fuqishëm vaksinimi kundër gripit dhe gjithashtu në këtë rast sigurohet falas dhe këta janë personat që vuajnë nga:
Sëmundjet kronike të sistemit respirator ose kardiovaskular
Sëmundjet ose kanceret e lidhura me palcën e kockave
Pacientët në pavijonet afat-gjata të spitaleve
Sëmundje inflamatore ose sëmundje kronike të mëlçisë
Për njerëzit me sëmundje autoimune, është e preferueshme të konsultoheni më parë me një mjek specialist.
Efektet
Efektet anësore janë të pakta dhe ndodhin rrallë: ato më klasiket janë dhimbjet dhe skuqja në zonën ku u dha injeksioni, ose disa linja ethe të shoqëruara me dhimbje muskujsh ose dhimbje koke, simptoma që megjithatë kalojnë brenda dy ditësh. Shfaqja e reaksioneve të rënda është e rrallë dhe në këto raste është e këshillueshme të kontaktoni menjëherë me mjekun.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
