Rastet e Covid-it të ri po arrijnë një numër tronditës, thuhet se virusi është shumë më i transmetueshëm. Njohja e simptomave kryesore të COVID-19 është e rëndësishme në mënyrë që çdokush të parandalojë mundësinë e përhapjes së tij. Është e rëndësishme që të mësohen simptomat që kryesore që shfaqen të të rritur, foshnjat dhe fëmijët?
Lodhja
Sipas të dhënave nga ZOE Symptom Tracker App, lodhja është një nga simptomat kryesore tek fëmijët me COVID-19. Të dhënat zbuluan se 55% e fëmijëve vuanin nga lodhja. Tek fëmijët e vegjël kjo simptomë mund të zbulohet përmes zemërimit dhe të qarave.
“Ka të bëjë me substancat e quajtura citokina që prodhon sistemi imunitar kur sulmohet,” tha DR Richard Watkins, një mjek i sëmundjeve infektive dhe një profesor i mjekësisë në Universitetin Mjekësor të Verilindjes së Ohajos.
“Këto citokina i sinjalizojnë trupit tuaj se është koha për të luftuar një infeksion, por pasojat mund t’ju bëjnë të ndiheni të lodhur. Mbi të gjitha, trupi juaj po e përqendron energjinë e tij në luftën kundër një pushtuesi edhe nëse nuk mund ta shihni atë.”
Dhimbje koke
Simptoma e dytë më e zakonshme ishte dhimbja e kokës, e raportuar në 53% të fëmijëve. Nëse keni fëmijë të vegjël, mund të jetë e vështirë të dini nëse vuajnë nga një dhimbje koke. Qendra Amerikane për Kontrollin e Sëmundjeve gjithashtu rendit zyrtarisht dhimbjet e kokës si një simptomë të koronavirusit tek fëmijët. Profesore Anne MacGregor ka thënë se fëmijët shpesh vuajnë edhe nga dhimbja e stomaku. Ajo këshillon prindërit të pyesin fëmijët e tyre nëse i dhemb koka, apo stomaku.
Ethe
Ethet janë një nga shenjat paralajmëruese të koronavirusit tek të rriturit, por 49% e fëmijëve gjithashtu e raportuan këtë. Një temperaturë e lartë llogaritet si 37°C ose më lart. Ndërsa temperatura e trupit të një personi rritet, ata mund të ndiejnë ftohtë, ose e thënë ndryshe të kenë ethe. Njerëzit e përshkruajnë këtë si dridhura. Kur ndodh një infeksion, sistemi imunitar do të fillojë një sulm në përpjekje për të luftuar shkakun. Një temperaturë e lartë e trupit është diçka normale e këtij reagimi.
Dhimbje të fytit
Aplikacioni ZOE Symptom Tracker zbuloi gjithashtu se 38% e fëmijëve raportuan se kishin një dhimbje fyti, e cila zakonisht është një shenjë e një infeksioni viral. Dhimbja e fytit mund të jetë simptomë e një ftohjeje ose gripi, por edhe COVID-19. Dhimbja e fytit është termi i përgjithshëm për çdo gjendje ku fyti ndihet i gërvishtur, i butë dhe ndoshta i dhimbshëm.
Humbja e oreksit
Rreth 35% e fëmijëve me koronavirus raportuan se vuanin nga humbja e oreksit. Sipas mjekëve, foshnjat nën moshën një vjeç kanë më shumë gjasa ta përjetojnë këtë. Ekspertët këshillojnë që të përpiqeni ta ndani ushqimin në pjesë më të vogla dhe t’i ushqeni ato pak dhe shpesh. Humbja e oreksit do të thotë që një person nuk ka të njëjtën dëshirë për të ngrënë si dikur.
Shenjat e një oreksi të zvogëluar përfshijnë mosdashjen për të ngrënë, humbjen e paqëllimshme të peshës dhe mospasje uri pa marrë parasysh sa është ora. Në fakt, ideja për të ngrënë ushqim mund ta bëjë një person të ndihet sikur mund të vjellë pasi të hajë.
Burimi / https://www.express.co.uk/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
