*Victor Frankl, neurolog, psikiatër
Studimet tregojnë se të kesh kuptim dhe qëllim në jetë rrit cilësinë e jetës dhe kënaqësinë, përmirëson shëndetin mendor dhe fizik, rrit qëndrueshmërinë dhe vetëvlerësimin dhe zvogëlon shanset e zhvillimit të depresionit. Sipas hulumtimit të fundit, ndjekja një-dimensionale e lumturisë i bën njerëzit më pak të lumtur.
Kjo është arsyeja pse shumë shkencëtarë janë kundër ndjekjes së lumturisë. Hulumtimi i ri që do të botohet në Journal of Positive Psychology sugjeron që jeta kuptimplotë dhe jeta e lumtur mbivendosen në disa zona, por në fund të fundit ndryshojnë dukshëm. Të jetosh një jetë të lumtur, thonë psikologët, ka të bëjë me “marrjen” ndërsa të jetosh një jetë kuptimplote ka të bëjë me “dhënien”. “Njerëzit e lumtur marrin kënaqësi nga fitimi i privilegjeve mbi të tjerët, ndërsa ata që kanë një kuptim në jetë marrin kënaqësi nga dhënia për të tjerët”, shpjegon Kathleen Vohs, një nga autorët e studimit. Me fjalë të tjera, jeta me kuptim kapërcen vetveten, ndërsa një jetë e lumtur thjesht i jep atë që dëshiron. Njerëzit që kanë gjetur kuptim në jetën e tyre kanë më shumë të ngjarë të ndihmojnë ata në nevojë. “Lumturia e pastër është e lidhur me mos ndihmën e të tjerëve”, shpjegojnë studiuesit.
Ajo që i veçon njerëzit nga kafshët nuk është ndjekja e lumturisë që ndodh në të gjithë mbretërinë e kafshëve, por kërkimi i kuptimit, i cili është unik për njerëzit, sipas Roy Baumeister, studiusit kryesor dhe autorit (së bashku me John Tierney) të librit “Vullneti: Rizbulimi i Forcës Më të Madhe Njerëzore”.
Përgatiti Esmeralda Birçaj, eksperte e shëndetit mendor
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
