Marrja e shtesave të vitaminës D me gojë përveç ilaçeve të astmës mund të përgjysmojë rrezikun e sulmeve të astmës, sipas hulumtimit të udhëhequr nga Queen Mary University of London (QMUL).
Astma prek më shumë se 300 milionë njerëz në mbarë botën dhe shkakton pothuajse 400,000 vdekje në vit. Vdekjet nga astma lindin kryesisht gjatë episodeve të përkeqësimit të simptomave, të njohura si sulme apo “përkeqësime”, të cilat zakonisht shkaktohen nga infeksionet e frymëmarrjes së sipërme virale.
Vitamina D mendohet të mbrojë kundër sulmeve të tilla duke rritur përgjigjet imune ndaj viruseve të frymëmarrjes dhe duke zbutur inflamacionin e dëmshëm të rrugëve të frymëmarrjes.
Studimi i ri, i financuar nga Instituti Kombëtar për Kërkimin Shëndetësor, dhe i botuar në The Lancet Respiratory Medicine, përmblodhi dhe analizoi të dhënat individuale nga 955 pjesëmarrës. Në përgjithësi, studiuesit zbuluan se marrja e vitaminës D rezultoi me:
-një reduktim prej 30 për qind në shkallën e sulmeve të astmës që kërkojnë trajtim me tableta steroide ose injeksione.
-një reduktim prej 50 përqind në rrezikun e përjetimit të të paktën një sulmi të astmës që kërkon ndjekjen e Departamentit të Aksidenteve dhe Emergjencave / shtrimin në spital – nga 6 përqind e njerëzve që përjetojnë një ngjarje të tillë deri në 3 përqind.
Hulumtuesi kryesor Profesor Adrian Martineau tha: “Këto rezultate i shtojnë provat se vitamina D mund të mbështesë funksionin imunitar, si dhe shëndetin e kockave.”
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
