Ju jeni e re, keni një trup të shëndetshëm dhe rrallë pini alkool ose cigare. Pra, nuk ka asnjë shans që të mund të zhvillosh kancerin e gjirit, apo jo? Për fat të keq, një zakon i poshtër që ju as nuk mund ta mendoni mund t’ju vërë në rrezik.
Gratë që lyejnë shpesh flokët e tyre mund të kenë një rrezik më të lartë të zhvillimit të kancerit të gjirit, sipas profesor Kefah Mokbel, një kirurg i gjirit nga Spitali Princess Grace i Londrës. Pas shqyrtimit të disa studimeve, ai gjeti se gratë që ngjyrosin flokët e tyre kanë 14% më shumë gjasa për t’u diagnostikuar me sëmundjen sesa ata që nuk përdorin ngjyra, raporton Sunday Times of London.
“Ndonëse kërkohet punë e mëtejshme për të konfirmuar rezultatet tona, gjetjet sugjerojnë se ekspozimi ndaj bojërave të flokëve mund të kontribuojë në rrezikun e kancerit të gjirit“, shkruan profesor Mokbel.
Në mënyrë tipike, profesionistët e flokëve këshillojnë gratë që të ndryshoni ngjyrën e flokëve çdo katër deri në gjashtë javë. Por profesor Mokbel rekomandon jo më shumë se pesë ose gjashtë herë në vit, si dhe të përdorni produkte me përbërës natyralë siç është kënaja.
Ky nuk është i pari që gjen një lidhje mes bojës së flokëve dhe kancerit të gjirit. Një studim i veçantë finlandez gjithashtu zbuloi se gratë që përdornin bojën e flokëve kishin më shumë gjasa të zhvillonin kancerin e gjirit.
Të shqetësuar për rrezikun tuaj? Mënyra më e mirë për të mbrojtur veten është të kryeni rregullisht mamografi dhe vetë-kontrolle, thonë mjekët.
Përgatiti: Brikela Daci | Burimi / https://www.msn.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
