A ju duhet që të rrini ulur gjatë kohës kur jeni në punë? Kjo mund të shkaktojë dëmtime të rënda për shëndetin dhe aftësitë motorike të trupit, prandaj është shumë e rëndësishme që vazhdimisht të bëni ushtrime.
Për këtë, TechInsider ka përzgjedhur tri lloje të ushtrimeve apo veprimeve të lehta që do t’i eliminojnë problemet shëndetësore.
Ngrihuni në këmbë çdo 30 minuta
Shkëputja nga të qëndruarit ulur çdo 30 minuta mundëson që të ulet presioni në bosht kurrizor, të aktivizohet metabolizmi dhe të digjen disa kalori.
Ushtrimi me duar në derë të zyrës
Ushtrimi i dytë që mund ta bëni në zyrë është të vendosni duart në pjesën anësore të derës, ku ngjitet në mur dhe të shtërngoni muskujt e krahëve. Pas kësaj, drejtohuni dhe qëndrimi juaj drejtë do të përmirësohet.
Shtrirja e muskujve
Tendosja apo shtrirja e muskujve është ushtrimi kryesor që mund ta bëni në një ambient të mbyllur. Edhe nëse jeni ulur, mos harroni që kohë pas kohe të shtriheni dhe të drejtoni këmbët dhe duart. jo ndihmon në të qëndruarit drejtë dhe në përmirësimin e qarkullimit të gjakut./Balkanweb
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
