Një marrëdhënie e fortë, e shëndetshme dhe e qëndrueshme ushqehet me shumë gjëra. Nuk mjafton vetëm dashuria. Ju keni nevojë për bashkëpunim, besim, vlerësim dhe respekt i ndërsjellë janë thelbësore.
4 rastet kur femrat humbasin respektin për partnerin e tyre
Kur luajnë rolin e viktimave
Padyshim që të flasësh me partnerin për problemet dhe vështirësitë është një nga aspektet më të bukura të jetës në çift, por meshkujt që e bëjnë këtë duke u ankuar vazhdimisht, që shohin armiq kudo dhe kanë iluzione persekutimi, bëhen të padurueshëm me kalimin e kohës. Gratë vlerësojnë ata që dinë të reagojnë, ato që përpiqen të gjejnë një zgjidhje dhe nuk mund të vlerësojnë një mashkull që ulet në një cep duke ankuar për fatin e tij.
Kur u mungon ambicia
Nuk synohet si uri për para apo pushtet, por objektiva për t’u arritur, projekte për t’u përfunduar edhe me koston e sakrificave të mëdha. Gratë e kanë të vështirë të vlerësojnë ata burra që bëjnë pak ose aspak për të përmirësuar jetën e tyre. Që nuk kanë ëndrra, që nuk angazhohen për t’u ofruar të dashurve të tyre siguri dhe stabilitet më të madh.
Kur ata marrin gjithçka si të mirëqenë
Një grua inteligjente nuk vlerëson ata që nuk mund t’i shohin cilësitë e saj, që nuk e vlerësojnë angazhimin e saj dhe nuk respektojnë rolin dhe identitetin e saj. Por sa meshkuj, pas miqësisë fillestare, fillojnë të neglizhojnë partneren e tyre dhe marrin shumë gjëra për të si të mirëqena? Shumë dhe kjo është një nga rrugët më të udhëtuara që të çojnë në ndarje.
Shumë mbrojtës
Asnjëherë nuk i kemi parë gratë si të mirëqenë, por edhe një qëndrim tepër mbrojtës rrezikon të krijojë probleme në një çift. Askujt nuk i pëlqen të ndihet gjithmonë nën kontroll, më së paku një gruaje e pavarur që zgjedh një burrë për të pasuruar jetën e saj dhe jo nga brishtësia apo për të kënaqur një nevojë. Respekti, vlerësimi dhe mirënjohja janë aspekte që nuk mund të mungojnë në një çift. Mbani mend këtë të dashur burra! Por le të kujtojmë edhe veten.
Përgatiti K.I / Burimi giornodopogiorno.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
