Mëlçia juaj është organi më i madh i brendshëm, i cili kryen më shumë se 500 funksione në trup. Prandaj është me rëndësi jetike që të konsumoni ushqimet e duhura për të mbajtur një mëlçi të shëndetshme. Përfshirja e këtyre frutave në dietën tuaj mund të ndihmojë në mirëmbajtjen e mëlçisë dhe funksionit të saj.
- Qitro
Ky frut i hidhur përmban shumë vitaminë C dhe antioksidantë të tjerë që janë të njohur për mbrojtjen e mëlçisë. Këto antioksidantë ndihmojnë në parandalimin e dëmtimit të qelizave.
Një studim japonez i vitit 2004 testoi efektet e lëngut të qitros te minjtë dhe zbuloi se lëngu pengon dëmtimin e ADN-së në mëlçi.
- Rrushi
Studiuesit kanë zbuluar se ekstraktet e rrushit përmirësojnë funksionimin e mëlçisë në pacientët që vuajnë nga sëmundje të mëlçisë që nuk lidhen me alkoolin.
Rrushi dhe ekstrakti i farës së rrushit mbrojnë mëlçinë nga dëmtimet, rrisin nivelet antioksiduese dhe luftojnë inflamacionin.
- Avokado
Avokadot janë të pasura me fibra, të cilat mund të ndihmojnë me kontrollin e peshës. Glutathione, një kompleks i prodhuar nga avokadot, ndihmon në eliminimin e toksinave të dëmshme nga trupi.
- Arrat
Arrat përmirësojnë nivelet e enzimave të mëlçisë te pacientët e sëmurë. Një artikull i botuar në World Journal of Gastroenterology shpjegon se si konsumimi i arrave redukton zhvillimin e sëmundjeve të mëlçisë.
- Boronica
Këto fruta të vegjël përmbajnë shumë antioksidantë. Antioksidantët janë të domosdoshëm në mbrojtjen e mëlçisë nga dëmtimi.
Një studim i botuar në World Journal of Gastroenterology tregon se duke përfshirë boronicat në dietën tuaj, ju mund të ndihmoni në rritjen e enzimave antioksiduese.
Burimi / https://tvklan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
