Jetojmë në një epokë ku rrjetet sociale dominojnë jetën tonë të përditshme, duke vepruar si dritare përmes të cilave të eksplorojmë ngjarjet botërore, përditësimet mbi miqtë tanë, por edhe trendet e reja të jetesës.
E vërteta është se pothuajse kurrë nuk na tregohet ana tjetër e medaljes, ajo më pak e shndritshme dhe e përsosur, e cila, për të qenë e sinqertë, mund të na bëjë të ndihemi pak më mirë. Më poshtë analizojmë të paktën 5 gjëra që ndoshta nuk i shihni kurrë në rrjetet sociale.
- FALIMENTIMET
Në rrjetet sociale, ne jemi të përmbytur me histori suksesi dhe imazhe të jetëve në dukje të përsosura. Realiteti që nuk e shohim? Pengesat, dështimet dhe vështirësitë që has çdo individ gjatë rrugës. Kohët e rralla kur dështimet na zbulohen, shpesh narrativa është instrumentale, si: “shikoni sa sukses kam arritur, dhe thoni se dy vjet më parë dështova në mënyrë të mjerueshme”. Zbulimi i momenteve të krizës dhe sfidave mund të pakësojë presionin që ndiejmë për të pasur gjithmonë shfaqje në krye, duke ofruar një imazh më autentik dhe më të vërtetë të përvojave tona.
- NORMALITETI I JETËS SË PËRDITSHME
Imazhet e aventurave ekzotike, pushimet e shtrenjta, fundjavat në vende super të bukura mbushin jetën tonë, por rrallë shohim normalitetin e jetës së përditshme. Dhe kur e shohim, është gjithmonë më mirë se e jona. Trendi i rrjeteve sociale “bëhu gati me mua”, apo “një ditë me mua”, në të cilën edhe gjestet më banale janë estetike dhe bëhen në një kontekst perfekt, si shtëpitë e bukura të mobiluara me shije dhe gjithmonë të rregullta? Ndoshta kemi parë mjaftueshëm.
- MARRËDHËNIET AUTENTIKE
Selfie çift në vende të bukura me dedikime mahnitëse, galeri fotosh për të çertifikuar miqësi shumë të gjata dhe të çmendura, ndërveprim dhe komente lajkatuese mes njerëzve që ndoshta në jetën reale as nuk përshëndesin njëri-tjetrin. Gjetja e vërtetësisë së marrëdhënieve në rrjetet sociale është vërtet e vështirë. Jo, vështirë se dikush do të bëjë një postim në Instagram për të njoftuar se ata janë lënë ose tradhëtuar – më së shumti ne postojmë fotografi në të cilat ne pretendojmë gëzim me njerëzit e tjerë ose me një flirt të ri të mundshëm, për të treguar se ndarja nuk na ka sjellë poshtë, dhe në të vërtetë ne tashmë jemi duke parë përreth.
- VETMIA DHE MËRZIA
Vetmia e atyre të dielave të dimrit kur të gjithë miqtë tuaj kishin gjëra të tjera për të bërë dhe nuk gjetët as një njeri për të shkuar për një kafe, ndërsa në rrjetet sociale duket se të gjithë po e mbushin fundjavën me aktivitete të çmendura. E vërteta është se edhe jeta e të tjerëve nuk është gjithmonë kështu, vetëm se momentet e mërzitjes dhe vetmisë sigurisht që nuk reklamohen në rrjetet sociale.
- VËSHTIRËSITË EKONOMIKE
Pushime, rroba stilistësh, mobilje të mirëmbajtura … Pse duket se të gjithë mund të përballojnë gjithçka, ndërkohë që duhet t’u kushtoni vëmendje çmimeve të frutave në supermarket? Për faktin e thjeshtë se sipas të gjitha gjasave ky nuk është realiteti. Përsërisim edhe një herë se ajo që shfaqet në rrjetet sociale është tejet e filtruar, dhe është njerëzore të duash të tregosh vetëm gjërat më të mira. Ne do të duam të postojmë foton e një çantë të re, por jo shumën në llogarinë që keni prekur për ta blerë atë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
