Çdo njeri përpiqet të gjejë ekuilibrin midis kërkesave të vendeve të punës dhe pjesëve të tjera të jetës së tyre – gjëra të tilla si kalimi i kohës me miqtë, kujdesi për fëmijët dhe të dashurit e tjerë, qëndrimi i shëndetshëm dhe ndjekja e interesave personale jashtë punës.
5 mënyra për të sjellë më shumë ekuilibër në jetën tuaj, edhe nëse nuk mund të ndryshoni orët që punoni.
- Mos u ndjeni në faj kur bëni një pushim
Ndërprerjet mund të ndjehen si humbje kohe, por ato mund t’ju bëjnë më produktive dhe të fokusuara.
- Bëjeni të vlefshme kohën e pushimit
A po bëni gjëra që në të vërtetë ju bëjnë të lumtur, ju ndihmojnë të qëndroni të shëndetshëm, të forconi marrëdhëniet tuaja shoqërore?
- Bëni kohën e punës më efikase
Është gjithashtu e dobishme të vlerësoni se si kaloni kohën tuaj të punës. Sa kohë shpenzoni në detyrat themelore që vetëm ju mund të bëni, kundrejt detyrave që mund të delegohen? A ka mënyra për të përmirësuar detyrat rutinë ose për të zvogëluar numrin e vendimeve të vogla, që ju nevojiten për të bërë çdo ditë?
- Kujdes nga “inercia e punës”
Kur jeni në një rrjedhë të mirë, mund të jetë e vështirë të ndaloni. Inercia e punës mund t’ju ndihmojë të bëni gjërat, por gjithashtu mund të prishë oraret e ushqimit, të zvarritni gjumin, ose të bëni vonesa kronike. Perfeksionitët janë më të prekshëm nga inercia e punës për shkak të standardeve të larta personale dhe një dëshire për të parë detyrat deri në përfundim para se të lëvizin.
5.Vendosni kufijtë e komunikimit
Një studim zbuloi se rreth gjysma e të gjithë të punësuarve të intervistuar e kontrollonin emailin e punës gjatë mbrëmjeve dhe fundjavave, ndërsa ishin me pushime dhe kur ishin të sëmurë në shtëpi. Zhdukja e kufijve ndërmjet punës dhe jetës mund të ndjehet sikur rrit produktivitetin, por me kalimin e kohës mund të kontribuojë në konfliktin në punë dhe në jetëtën bashkëshortore.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
