Keni menduar ndonjëherë për tiparet e një gruaje të fortë mendërisht? Të jesh një grua e fortë, nuk do të thotë të sillesh si burrë. Ka të bëjë me përqafimin e feminilitetit tuaj dhe për t’ia treguar atë botës, ndërkohë që siguroheni që të merrni kontrollin e gjërave që po bëni dhe t’i realizoni ato.
- Femrat e forta e dinë se kush janë në të vërtetë
Ato tashmë kanë identifikuar nevojat dhe qëllimet e tyre. Ato gjithmonë i vënë ëndrrat e tyre mbi çdo gjë tjetër. Ato nuk kanë turp të tregojnë veten e tyre të vërtetë. Edhe pse jeta është një proces me zhvillim të shpejtë, gratë e forta do të vazhdojnë të rriten duke i qëndruar besnike vetes.
- Gratë e forta pëlqejnë të sfidojnë veten
Ato duan të vazhdojnë të rriten dhe të përmirësohen, kjo është arsyeja pse janë të prirura të shtyjnë veten më shumë edhe në kufij të rinj.
- Gjithmonë kanë vend për përmirësim
Pavarësisht forcës, besimit dhe aftësive të tyre, ato nuk dorëzohen dhe thonë “Unë jam më e mirë se gjithë të tjerët”. Nuk bëhen të vetëkënaqura për hir të përmirësimit të vetvetes. Nëse nuk dinë disa gjëra, ato nuk hezitojnë të bëjnë pyetje dhe të marrin përgjigje.
- Ato dinë të jenë të lumtura
Ato janë të vendosura të qëndrojnë të lumtura dhe të gëzuara në jetën e tyre të përditshme. Parimi i tyre në jetë është të qëndrojnë gjithmonë pozitive.
- Ajo është e sigurt për pamjen e saj dhe e rehatshme nën lëkurën e saj
E madhe, e vogël, e dobët ose jo, ajo është e lumtur ashtu si është. Ajo e di se si të bëjë më të mirën nga ajo që ka, dhe si të kamuflojë pjesët për të cilat është ende duke punuar. Paraqitja fizike nuk është gjithçka dhe nuk e përcakton se kush është ajo.
- Merr përgjegjësinë për mirëqenien e saj emocionale
Ajo e di vlerën e saj dhe nuk ndikohet lehtë nga ajo që mendojnë të tjerët. Ajo dëgjon këshillat, por vendos vetë.
- Marrëdhëniet romantike nuk janë prioriteti i vetëm në jetën e saj
Dashuria dhe marrëdhëniet kanë rëndësi dhe shumë vlerë për të, por ajo kurrë nuk do t’i bëjë këto gjëra qendrën e botës së saj. Ajo do t’i japë rëndësinë që meriton, por nuk do ta lërë atë t’i pushtojë jetën.
- Ajo do të mbrojë atë që beson se është e drejtë
Ajo është e gatshme të shkojë kundër njerëzve më të afërt për të mbrojtur atë në të cilën beson.
- Është këmbëngulëse dhe nuk turpërohet të kërkojë atë që dëshiron.
Një nga tiparet e një gruaje të fortë mendërisht është se ajo e di vlerën e saj dhe nuk heziton kurrë të kërkojë atë që dëshiron. Ajo nuk është një shtytëse që do të bëjë gjithmonë atë që dikush tjetër do që ajo, sepse është jeta e saj dhe ajo do të vendosë se si dëshiron ta jetojë atë.
Përgatiti K.I / Burimi themindsjournal.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
