Vaksina e gripit mbron nga Covid-19. Sipas një studimi amerikan, ata që morën vaksinën sezonale kanë më pak të ngjarë të infektohen dhe kanë zhvilluar një formë më pak të rëndë të sëmundjes. Sipas rezultateve të studimit, botuar në Revistën Amerikane të Kontrollit të Infeksionit, shanset e testimit pozitiv për COVID-19 ulen me 24% te pacientët që kanë marrë vaksinën e gripit. Por jo vetëm.
“Mekanizmat prapa kësaj mbrojtjeje janë ende të paqarta. Por askush në studim nuk doli pozitiv për të dyja infeksionet në të njëjtën kohë.”
Studiuesit shkruajnë: “Pacientët e vaksinuar, që rezultuan pozitivë me COVID-19, kishin më pak të ngjarë të kërkonin shtrim në spital, ndërsa ata që kishin nevojë për kujdes spitalor nuk përdorën aparate për frymëmarrje dhe kanë qenë më pak në spital”. Zbulimi sugjeron që vaksina e gripit duhet të promovohet për të zvogëluar ngarkesën e COVID-19.
Studiuesit nga Universiteti i Miçiganit analizuan të dhënat mjekësore të 4.5 milion pacientëve brenda sistemit shëndetësor kombëtar, për të kërkuar korrelacionin midis vaksinimit kundër gripit sezonal dhe infeksionit Covid-19. Midis këtyre, identifikuan 27,201 njerëz që bënë një tampon gjatë valës së parë, midis marsit dhe korrikut 2020. Epo, ata që kishin marrë vaksinën e gripit kishin 24% më pak shanse për të dalë pozitivë për testin nëpërmjet tamponit.
Duhet thënë se i njëjti studiues tha se do të nevojiten studime specifike për të krijuar qartë një lidhje shkakësore midis vaksinës së gripit. “Ende nuk mund të provojmë se kjo është një lidhje shkak-pasojë – shkruan autori kryesor, Marion Hofmann Bowman – dhe mekanizmat që qëndrojnë në themel të kësaj mbrojtjeje janë ende të paqarta. Por në çdo rast, në studim, askush nuk doli pozitiv për të dy infeksionet në të njëjtën kohë”.
“Studime të tjera janë duke u zhvilluar, për të hetuar efektet e vaksinës së gripit sezonal në sëmundjet e frymëmarrjes”, shton Hofmann, por është shumë herët për ta zhbalancuar: “është e mundur që të ketë një efekt të drejtpërdrejtë biologjik të vaksinës së gripit në sistemin imunitar, e dobishme për të luftuar Covid-19, por mund të jetë gjithashtu, që pacientët që i nënshtrohen vaksinës janë njerëz që respektojnë më shumë rekomandimet e distancës shoqërore dhe anti-ngjitjes. Megjithëse, në analizat tona ishim në gjendje të kontrollonim sëmundjet që dihet se lidhen me rrezikun e Covid-19, shoqërimin mbrojtës të vërejtur i cili mund të përcaktohet gjithashtu nga ndryshimet në sjelljet shoqërore dhe shëndetësore ose nga faktorë të ndryshëm socio-ekonomikë midis këtyre në grupet e vaksinuara dhe jo të vaksinuar”.
Dhe përfundon: “Në vitin 2020 u vu re një rënie në të gjitha infeksionet virale të frymëmarrjes, ndoshta falë distancimit shoqëror dhe përdorimit të maskave, – vazhdon Hofmann -, por derisa vaksina e koronavirusit të jetë në dispozicion gjerësisht, vaksina e gripit duhet të promovohet për të zvogëluar barrën e sëmundjes gjatë kësaj pandemie”.
Përgatiti Orjona Tresa / Burimi HuffingtonPost
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
