Ne priremi të mendojmë se jemi imun ndaj dashurisë me më shumë se një person, por afërsisht një e katërta e britanikëve thonë se ata kanë rënë në dashuri me dy persona në të njëjtën kohë.
Zemra e njeriut është një organ shumë bujar dhe nëse jeni një person i ngrohtë, i hapur që adhuron të takosh njerëz të rinj, mund ta imagjinosh veten të dashuruar me dhjetë njerëz në të njëjtën kohë, thotë terapisti dhe autori Andrew G Marshall, sipas “Thrillist”.
Ne të gjithë e kemi potencialin. Ajo që na ndalon është përkushtimi ndaj marrëdhënies që kemi tashmë, si dhe koha dhe energjia. Është mjaft e vështirë të bësh një marrëdhënie të funksionojë, e lëre më dhjetë prej tyre njëkohësisht! Por a është vërtet se mund të ndjesh dashuri për më shumë se një person?
‘Në fund të fundit, është e pamundur të jesh i dashuruar me dy njerëz në të njëjtën kohë, sepse dashuria ka tre përbërës: intimitet, pasion dhe përkushtim‘,- thotë Andrew G Marshall.
Nëse i jeni përkushtuar tashmë dikujt, nuk mund të përkushtoheni edhe për dikë tjetër. Nëse dikush thotë se është i dashuruar me dy persona, ata priren të zgjedhin midis marrëdhënies ekzistente dhe marrëdhënies së re.
Përballet me një dilemë të madhe: cilën duhet të zgjedhë? E provuar, e vërtetë apo e re dhe pafundësisht më emocionuese? Shumica e marrëdhënieve afatgjata kalojnë nëpër shtigje të mërzitshme dhe, nëse takoni dikë, një person mjaft tërheqës, atëherë do të keni probleme.
Ajo që është e pamundur është të krahasosh dashurinë e vjetër me dashurinë e re. Dashuria ndihet shumë ndryshe në faza të ndryshme të marrëdhënieve. Personi i ri në jetën tuaj, shfaq sjelljen më të mirë. Ju lanë me komplimente dhe ju jep 100% vëmendje, gjë që e bëri dhe dashuria juaj e vjetër në fillim, mos harroni! Takimet e fshehta me një person të tretë, bëhen edhe më të dëshiruara pasi janë të ndaluara.
Ndërsa ne mund ta duam dashurinë tonë të vjetër, nëse keni qenë së bashku pak kohë, është më shumë një lloj ndjenje komoditeti; dashuria e re është si të jesh në majë të një shkëmbi, ku bërtisni plot adrenalinë.
Si të merrni një vendim kur ndodheni në një situatë të tillë?
- Jepi vetes hapësirë për të marrë frymë
- Shikoni objektivisht marrëdhënien që keni qenë më gjatë
- Përqendrohuni te personi i ri
Shkruani dhjetë arsye pse mendoni se një marrëdhënie me këtë person do të ishte më e mirë se ajo që keni tashmë. A janë arsye logjike, të arsyeshme, afatgjata, apo ju duken të dobëta?
Besoji reagimit të zemrës
Në shumicën e rasteve, rrahjet e zemrës ju drejtojnë dukshëm në një drejtim ose në një tjetër.
Dhe mos harroni se ekziston një mundësi e tretë: mos zgjidhni asnjërin prej tyre.
Qëndroni beqarë për një kohë derisa të jeni vërtet të sigurt se ku qëndron zemra juaj.
Burimi / Panorama Online
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
