Mirëqenie

April 13, 2018 | 14:13

Aktiviteti i përshtatshëm fizik, në bazë të moshës

Për çdo moshë ka një stërvitje të caktuar. Ajo që na ndihmon të qëndrojmë në formë në moshën 30 vjeç, ndoshta nuk na bën mirë kur jemi 40 ose 50 vjeç sepse trupi, muskujt dhe metabolizmi ndryshojnë gjatë viteve dhe një stërvitje e mirë duhet të kalibrohet me moshën, por edhe me gjendjen e shëndetit (prania e patologjive të mundshme) si dhe me aftësitë fiziko-motorike (niveli i efikasitetit fizik).

Stefano Lazzarini, trajneri personal i certifikuar i Nivelit III në FIPE / CONI dhe në Akademinë Steiner në Londër, shpjegon se cila është stërvitja më e përshtatshme që duhet të bëhet, duke filluar nga mosha 30 vjeç deri në 70 vjeç.

30 vjeç – Aktiviteti Anaerobik

Zakonisht forma fizike është perfekte në këtë moshë. Aktiviteti anaerobik / ajo që bëhet në dhomën e peshës është sigurisht më efektive për të modeluar format e trupit, për ruajtjen e peshës ideale si dhe për të mbajtur një metabolizëm të mirë. Struktura hormonale e favorshme, tipike e kësaj moshe, e bën punën me peshën një nga aktivitetet më fitimprurëse.

Frekuenca dhe kohëzgjatja. Me një punë me intensitet të lartë, do të ishin të mjaftueshme tri stërvitje në javë prej 60-90 minuta secila për të arritur rezultate të shkëlqyera.

40 vjeç – Vrapim

Vrapimi është aktiviteti aerobik dhe yndyrë-djegës ‘par excellence’. Në moshën që fillojnë të shfaqen problemet e para të mbipeshës, vrapimi është një aleat i shkëlqyer për kontrollin e masës së yndyrës, si dhe për parandalimin e problemeve kardiovaskulare.

Frekuenca dhe kohëzgjatja. Dy ose tre vrapime javore prej 5 km secila, të cilat mund të zëvendësohen me ecje me ritme të shpejta për ata që janë më pak të mësuar, paraqesin një zgjidhje të shkëlqyer për të qëndruar të dobët dhe me një shëndet të mirë.

50 vjeç – Notim

S’ka gjë më të mirë sesa notimi për t’u çlodhur dhe për të lehtësuar tensionin muskulor dhe stresin e akumuluar gjatë ditës. Notimi është një aktivitet i këndshëm vë në punë të gjitha rrethet muskulare pa ndonjë mbingarkesë të veçantë për nyjet. Përveç kësaj, fërkimi i dobishëm i ujit në inde ka një efekt të dobishëm masazhues dhe drenues për të luftuar problemet e qarkullimit të gjakut dhe problemet joestetike që nganjëherë fillojnë të lindin në këtë moshë.

Frekuenca dhe kohëzgjatja. Dy orë në javë në pishinë, të alternuara me shëtitje në ajër të pastër, do të na lejojnë të qëndrojmë të gjallë dhe në formë të shkëlqyer fizike.

60 vjeç – Aktiviteti aerobik

Aktivitetet aerobike zakonisht zhvillohen në grupe gjatë orëve të mbajtura në palestër, dhe në sajë të përdorimit të peshave të vogla dhe ushtrimeve elastike, ju mund të digjni shumë kalori në një mënyrë argëtuese dhe me ritmin e muzikës. Për më tepër, puna në grup është motivuese dhe gjithmonë të inkurajon për të dhënë më shumë. Është mosha, në të cilën është e rëndësishme të luftojmë fillimin e osteoporozës, ngarkesën në gjymtyrët e poshtme, në legen dhe në shpinë dhe janë pikërisht këto aktivitete që stimulojnë pozitivisht kockat dhe mineralizimin e tyre. Ne natyrisht po flasim për ushtrime që janë të përshtatshme për të gjithë, me intensitet të mesëm, si Gag, Step ose Zumba.

Frekuenca dhe kohëzgjatja. Gjëja e rëndësishme është të mos e ekzagjerojmë me frekuencën e stërvitjeve: 3 ose 4 orë në javë janë më se të mjaftueshme për të qenë të efektshëm dhe funksional.

70 vjeç – ‘Pilates’

Edhe në këtë moshë është e rëndësishme të vazhdoni të stërviteni. Pilates është një metodë trajnimi që lejon që muskujt të stimulohen në të gjithë trupin në mënyrë harmonike, duke përmirësuar në veçanti lidhjen midis mendjes dhe rretheve të ndryshme të trupit. Kryesisht përfshihen muskujt abdominal, respirator dhe postural pa theksuar nyjet ose mbingarkesat e sistemit kardio-respirator. Këto karakteristika e bëjnë atë ideal për ata që, duke ecur përpara me vite, dëshirojnë të ruajnë qëndrimin, lëvizjen dhe kapacitetin e frymëmarrjes në kushte optimale.

Frekuenca dhe kohëzgjatja. Duhet të praktikohet rregullisht, disa herë në javë, sigurisht në fillim me ndihmën e një mësuesi të mirë.

Burimi / http://gazeta-shqip.com

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Agjente Marketingu:
Erinda Topi: 0688019400
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top