Lufta e përgjumjes është e vërtetë. Zgjimi në mëngjes nuk është diçka e lehtë. Zilja e zgjimit duket sikur është shpëtimi i vërtetë. Në fakt nuk është kështu. Ka disa arsye që ju duhet ta ndryshoni këtë rutinë. Dhe, ja pse!
Çrregullon rutinën tuaj në mëngjes
Sapo të merrni celularin në mëngjes, mund të duket e vështirë t’i shmangeni kontrollit të mesazheve në telefonin tuaj. Kjo do të ju marrë më shumë kohë sesa e kishit planifikuar, duke mos i lënë kohë rutinave tuaja të mëngjesit që janë vërtetë të rëndësishme për të mbajtur veten në formë të mirë.
Është më i vështirë për t’u dëgjuar
Alarmi në telefonin tuaj nuk ka një ton aq të lartë sa një alarm i vërtetë dhe në këtë mënyrë mund të ndodhë që ju të humbisni zilen e tij. Ne jemi mësuar me tingujt që telefonat tanë prodhojnë gjatë ditës, kështu që një alarm i tillë mund të jetë jo efektiv për të na zgjuar nga një gjumë i thellë.
Bateria e telefonit ka gjasa të shkarkohet
Alarmet në telefon nuk do të funksionojnë nëse bateria e telefonit shkarkohet. Nëse nuk doni të vonoheni për diçka të rëndësishme, më mirë përdorni një alarm të vërtetë. Edhe nëse ju bëni më të mirën ta mbani baterinë e telefonit tuaj të karikuar, mund të mos e vini re se bateria e telefonit tuaj po shkarikohet përpara se ju të shkoni për të fjetur. Po ju a përdorni një alarm telefoni apo një të vërtetë?
Dëmton gjumin tuaj
Para se të flemë, shpenzojmë mjaft kohë në smartphone-t tanë duke vizituar faqet e internetit apo për të kryer detyrat tona. Kjo, jo vetëm që do të reduktojë sasinë e gjumit tuaj, por drita blu e telefonit mund të sjellë çrregullime në gjumin tuaj.
Burimi Rtsh.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
