Një baba homoseksual pretendon se nëna zëvendësuese vodhi fëmijën e tij, pasi ajo e ndaloi atë që nga lindja dhe e mbajti vetë fëmijën. Burri rreth të 30-ve dhe partneri i tij, tek të 70-at, e takoi gruan përmes një agjencie zëvendësuese.
Ajo ra dakord që të ngelte shtatzënë nga spermatozoidet e implantuara nga të dy, por në fund kur partneri më i vjetër vdiq, ajo mbajti foshnjën.
Kur ajo shkoi për të lindur, zëvendësuesja u tha mjekëve të mos e linin babain biologjik afër saj, raporton The Sun. Një burim i tha gazetës se ishte e rrallë që nënat zëvendësuese të refuzonin të jepnin foshnjën pas lindjes.
“Ajo mori këtë vendim pasi pa situatën që fëmija nuk do të shkonte më në një çift të dashuruar”, tha burimi. “Ajo formoi një lidhje me të kur ishte shtatzënë dhe mendoi se po bën gjënë e duhur”.
Babai padit me pretendimin se gruaja ka thyer kushtet e marrëveshjes së zëvendësimit. Por ligji i Mbretërisë së Bashkuar gjithmonë e trajton zëvendësuesin si nënë, duke i dhënë asaj të drejtën për ta mbajtur fëmijën.
Sipas një uebsajti të qeverisë, kontratat lidhur me zëvendësimin nuk mbrohen në të njëjtën mënyrë si të tjerët.
“Kontratat e mbikëqyrjes nuk zbatohen nga ligji i Mbretërisë së Bashkuar, edhe nëse keni marrëveshje me zëvendësuesin tuaj dhe keni paguar për shpenzimet e saj”, thuhet në të.
Nëna shkoi në shtëpinë e saj dhe i tha gazetarit: ‘Nuk kam për të bërë asnjë koment’.
Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
