Është bërë realitet ëndrra e fëmijëve që bënë një pakt për t’u martuar me njëri-tjetrin në qoftë se ata do të ishin të dy ende beqar në moshën 50 vjeçare. Ron Palmer, 54 vjeç, dhe Kimberley Dean, 52 vjeç, nga Shën Paul, Minnesota, u takuan për më shumë se një vit në shkollë të mesme, por rrugët e tyre u ndanë, pasi Ron u diplomua në verën e vitit 1981.
Çifti mbajti kontakt, ata vazhduan jetën e tyre, u martuan me njerëz të tjerë dhe Kimberley kishte dy fëmijë, Kayla, 30 vjeç dhe Konner, 23 vjeç.
Të dy martesat e tyre përfunduan me divorc dhe çifti u takua sërish në vitin 1998 për të folur për dhimbjen e tyre të zemrës. Në takim, palët, në të tridhjetat e tyre, sugjeruan me shaka se ata duhet të martoheshin me njëri-tjetrin nëse ata do të ishin ende vetëm në moshën 50 vjeçare.
Edhe njëherë pasi rrugët e tyre u ndanë në drejtime të ndryshme, Ron dhe Kimberley u rilidhën në vitin 2016 dhe vendosën të krijonin një raport tjetër.
Më 31 dhjetor 2017 – 36 vjet pasi u ndanë për herë të parë dhe pak më shumë se një vit pas takimit të tyre të dytë, Ron i propozoi. Martesa e tyre u zhvillua në një park në lagjen ku ata janë rritur, duke respektuar paktin e tyre.
Përgatiti: Brikela Daci | Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
