Bella Hadid ka nisur një romancë të re, të cilën nuk mundi ta mbante dot më gjatë vetëm për vete.
Kësaj radhe nuk kanë qenë paparacët që e kanë zbuluar lajmin e madh, por ka qenë vetë supermodelja, e cila ka publikuar një foto duke u puthur me të dashurin e ri, Marc Kalman, shkruan “Page Six”.
“Periudha më e mirë e jetës sime. E shëndetshme, duke punuar dhe e dashur“, shkroi ajo përkrah një galerie fotosh, ku e fundit ishte kjo me Kalman.
Marc është drejtor arti dhe ka dizajnuar vepra arti për albumin e Travis Scott. Nuk dihet se sa kohë kanë që po dalin bashkë, por Hadid u pa për drekë me Kalman në New York në fillim të qershorit. Romanca e re e 24-vjeçares vjen pas lidhjes me The Weeknd, me të cilin u nda në vitin 2019, duke qenë se distanca ndikonte negativisht në marrëdhënien e tyre.
The Weeknd, nga ana tjetër, është parë duke darkuar me Angelina Jolie javën e kaluar, por ishte e paqartë nëse takimi ishte romantik, miqësor apo për biznes.
Burimi / PanoramaPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
