Infeksionet e traktit urinar janë shumë të shpeshta, sidomos tek femrat, pasi konformacioni intim favorizon ngjitjen e baktereve. Përveç kësaj, në periudhën që i paraprin fillimit të ciklit, në menopauzë, shtatzëni apo në rast të ndryshimeve hormonale, bëhet edhe më e lehtë vuajtja prej tyre, për të mos thënë që faktor rreziku është edhe mosha.
Por trajtimi i infeksioneve me produkte tradicionale mund të mos jetë i mjaftueshëm, ose mund të bëhet stresues nëse problemi bëhet i shpeshtë. Mendimi i mjekut në këto raste është i shenjtë dhe udhëzimet e tij duhet të ndiqen deri në detaj, por me miratimin e tij mund të kombinojmë edhe trajtime të ndryshme për të përshpejtuar shërimin.
Ka barëra medicinale me të cilat mund të përgatisim një çaj bimor për të dezinfektuar traktin urinar, një ilaç natyral që mund të na japë lehtësim dhe gjithashtu të mbajë më të pastër fshikëzën. Në mjekësinë bimore do të gjeni preparate të gatshme, por gjithashtu është e mundur të kërkoni nga barologu çdo përzierje të lirshme, me kohën më të përshtatshme të infuzionit.
Gjethet e luleradhiqes janë një ilaç për infeksionet intime, pasi ato veprojnë si një diuretik i shkëlqyer dhe për këtë arsye nxisin eliminimin e urinës, duke mbajtur fshikëzën të pastër.
Mëndafshi i misrit, fijet e imta që rriten mbi kallirin e misrit janë një tjetër ilaç natyral popullor. Çaji i bërë me këtë element ka veti zbutëse dhe qetësuese në mukozë, një efekt diuretik që gjithashtu ndihmon në forcimin e indeve falë mineraleve që përmban.
Së fundmi, të mos harrojmë çajin bimor të boronicës së kuqe i cili është gjithmonë efektiv për rritjen e pH të fshikëzës dhe parandalimin e grumbullimit të baktereve në muret e brendshme. Rekomandohet si ilaç për ata që vuajnë nga cistiti i përsëritur, pasi ndihmon në mbajtjen e fshikëzës së pastër, pa efekte anësore.
Burimi / https://www.donnad.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
