Java e fundit e tetorit i kushtohet aseksualitetit. Java e Ace, ose java e ndërgjegjësimit aseksual, lindi në vitin 2010 për t’u dhënë zë të gjithë atyre që gjejnë veten në këtë orientim shpesh të shpërfillur dhe për të cilin shumë njerëz dinë pak ose aspak. Le të nisemi nga përkufizimi: “Aseksualiteti është mungesa e tërheqjes seksuale ndaj çdo seksi apo gjinie, shpjegon seksologu Matteo Merigo. Ose mungesa e interesit apo dëshirës për aktivitet seksual”.
Aseksual nuk do të thotë jo romantik
Të mos kesh interes seksual për njerëzit e tjerë nuk do të thotë të mos kesh marrëdhënie romantike. “Mungesa totale e tërheqjes fizike nuk përjashton romantizmin. Aseksuali ndryshon nga ai jo romantik. Dikush mund të përjetojë tërheqje romantike dhe mungesë të dëshirës për aktivitet seksual”. Fokusi në fakt është vetëm tek seksualiteti dhe jo tek emocionaliteti. “Aseksuali mund të ketë tërheqje romantike, mund të ndjejë dashuri, romancë, një tërheqje mendore dhe ndoshta mund të përjetojë edhe disa aspekte të seksualitetit”.
Spektri i aseksualitetit
Kur flasim për këtë orientim seksual, i cili u identifikua për herë të parë nga Alfred Kinsey, një nga ekspertët më të rëndësishëm të seksualitetit të gjysmës së parë të shekullit të njëzetë, flasim më në përgjithësi për spektrin e aseksualitetit. “Ka nuanca, njerëz aseksualë që ende jetojnë një seksualitet për romancë apo për të kënaqur dëshirën e partnerit. Ashtu siç ka njerëz që nuk e konsiderojnë seksualitetin në asnjë mënyrë, as edhe për këto arsye”. Aseksualiteti gri dhe demiseksualiteti bien gjithashtu nën ombrellën e aseksualitetit: në rastin e parë personi ndjen herë pas here një tërheqje seksuale ndaj njerëzve të tjerë, në rastin e dytë tërheqja seksuale shfaqet vetëm me njerëzit me të cilët ka një lidhje të fortë emocionale.
Aseksualët dhe diskriminimi
Ace Week lindi në vitin 2010 me impulsin e Sara Beth Brooks, një aktiviste që e imagjinoi këtë ngjarje pikërisht për të rritur ndërgjegjësimin për këtë orientim brenda komunitetit LGBTQ+. “Shumë pak dihet për aseksualitetin – shton Merigo – nuk ka shumë studime apo histori apo për të”. Një studim i vitit 2012 i publikuar nga Group Processes and Intergroup Relations raporton se si aseksualët vlerësohen më negativisht për sa i përket paragjykimit dhe diskriminimit sesa pakicat e tjera seksuale. “Duke nisur nga fakti që pakicat konsiderohen gjithmonë të gabuara, sikur të kishte diçka patologjike, aseksualitetit duket se i mungon aspekti instinktiv që është në vend të orientimeve të tjera. Kjo i shtyn njerëzit të diskriminojnë, të besojnë se ka diçka që nuk shkon me dikë që është aseksual”.
Burimi / https://donna.fanpage.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
