Dennis dhe Karen në vitin 1959 ishin të lidhur dhe gjithashtu ishin shumë të dashuruar. Ajo ishte pesëmbëdhjetë vjeçe dhe ai shtatëmbëdhjetë. Ata kalonin gjithë ditët duke ecur së bashku, por në ato kohë nuk ishte shumë e lehtë për të jetuar një marrëdhënie shumë të lirë, sepse gjithmonë kishte nevojë për miratimin e prindërve.
Në fakt në atë kohë, Karen mbeti shtatzënë dhe të dy, ajo dhe i dashuri i saj donin ta mbanin foshnjën. Megjithatë, prindërit e vajzës besonin se kjo nuk ishte gjëja e duhur dhe nuk donin që vajza e tyre të martohej me Dennis-in. Për këtë arsye, në fund, Karen u dërgua në një shtëpi për “nënat e pamartuara” dhe atje, lindi vajzën e saj, të cilën infermieret ia morën menjëherë.
Dennis, i cili kishte mbetur në shtëpi, shkonte çdo ditë në shtëpinë e prindërve të të dashurës së tij për të kërkuar dorën e saj, por çdo herë babai i vajzës u përplaste derën në fytyrë. Pas gjithë kësaj, vajza shkoi në universitet dhe djali u bashkua me ushtrinë, por përkundër distancës, ata vazhduan të flisnin dhe të ishin të dashuruar me njëri-tjetrin.
Kur Dennis u lirua, disa vjet më vonë, ai u kthye në shtëpi dhe u përpoq përsëri të pyeste babanë e vajzës, nëse ai mund t’i jepte dorën e vajzës së tij. Babai padyshim nuk pranoi dhe madje kërcënoi se nuk do të paguante pagesat e kolegjit të vajzës nëse vazhdonte të dëgjonte më për Dennis-in. Pra, në fund, ata të dy vendosën të largoheshin dhe të merrnin shtigje të tjera. Në fakt, ata u martuan me njerëz të tjerë.
Por dekada më vonë, erdhi dita kur Dennis u divorcua dhe Karen ishte e ve. Një mbrëmje, ai ishte duke luajtur me shokët dhe ata e pyetën: “Nëse do të mund të kaloje një orë me këdo në botë, cila do të ishte zgjedhja jote?”. Nga të gjithë njerëzit, Dennis-i tha emrin Karen dhe këtë herë e mori atë si një shenjë.
Ditën tjetër, ai gjeti të gjitha informacionet rreth gruas dhe nisi ta kërkonte. Pastaj, kur panë njëri-tjetrin përsëri, ata të dy e kuptuan se shkëndija kurrë nuk ishte shuar. Në fakt, pas pesëdhjetë e gjashtë vjetësh, Karen dhe Dennis u martuan në janar 2015 dhe madje filluan të kërkonin vajzën e tyre. E gjithë familja është bashkuar dhe sot janë shumë të lumtur!
Burimi / albaniatoday.net
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
