Dashuria me shikim të parë është e vërtetë dhe kjo shkakton një nxitje kënaqësie të ngjashme me atë të shkaktuar nga karamelet, kanë gjetur psikologët. Përvoja e bukurisë ka qenë subjekt i magjepsjes për filozofët mijëvjeçarë, por psikologët kanë luftuar për ta matur atë konkretisht.
Pothuajse çdo filozof që e ka trajtuar atë – nga Platoni te Kanti – kanë pohuar se bukuria është në syrin e shikuesit dhe për ta përjetuar atë bukuri, shikuesi duhet ta studiojë me zell këtë temë. Shumica përfundojnë se kjo është një përvojë e pashprehur që mund të zgjasë minuta, ditë ose madje një jetë.
Megjithatë, një studim i ri nga psikologët e Universitetit të Nju Jorkut ka gjetur se është shumë më e thjeshtë: ata gjetën se një personi i duhet vetëm një sekondë për të regjistruar diçka të bukur.
Për më tepër, nuk është e pamundur të përcaktosh sasinë, siç mendohej më parë: kur një person sheh diçka të bukur, ata përjetojnë një tronditje intensive të kënaqësisë.
‘Ne themi se hedonistët duhet të lënë karamelet dhe të shikojnë të bukurën – është pikërisht i njëjti efekt’, ka thënë Denis Pelli, profesor i psikologjisë në NYU, i cili kreu studimin së bashku me studenten e tij të doktoraturës Aenne Brielmann.
Hulumtimi i ri, i cili u botua në revistën Current Biology, është pjesë e një pune më të gjerë që është temë e projektit PhD të Brielmann: duke u përpjekur të kuptojë se si matet ‘bukuria’, për të kuptuar më mirë ndikimin në veprimet tona në jetën e përditshme.
“Bukuria është subjektive dhe supozohet të jetë e vështirë për shkencën, por disa nga vlerat e saj kryesore ndjekin rregulla të thjeshta”, tha Pelli.
Filozofët kanë menduar se ndjenja e bukurisë është një lloj i veçantë kënaqësie. Megjithatë, analiza jonë e hulumtimit në këtë fushë tregon se ndjenja e bukurisë mund të jetë thjesht një kënaqësi shumë intensive – jo diçka e veçantë.
Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
