Ne me të vërtetë nuk mund të presim që fëmijët të kujtojnë shumë detaje deri sa hyjnë në adoleshencë të hershme kur hipokampus formohet plotësisht, zbulon një studim i ri.
Më parë, shkencëtarët mendonin se hipokampus, një pjesë e trurit përgjegjës për kujtesën dhe emocionet, zhvillohej plotësisht nga mosha gjashtë-vjeçare.
Hulumtuesit u dhanë adoleshentëve dhe fëmijëve të moshave 6 dhe 14 vjeç një detyrë, ku vlerësoheshin se sa mirë i mbanin mend detajet dhe gjetën se kjo aftësi u përmirësua në përputhje me rritjen.
Shkencëtarët nga institutet Max Planck në Berlin, Gjermani dhe Universiteti i Stirling në Skoci zbuluan se ndryshime të rëndësishme ndodhën në zonat e hipokampusit përgjegjës për tërheqjen e detajeve edhe pas moshës gjashtë- vjeçare.
Fëmijët gjashtë-vjeçarë janë në një fazë të zhvillimit të shpejtë.
Në atë periudhë, fjalori i tyre rritet me rreth dhjetë fjalë në ditë, aftësitë e tyre për të njohur modelet përmirësohet dhe mendjet e tyre mbizotërojnë botën reale dhe të imagjinuar, të cilat i përshkruajnë me hollësi të madhe.
Por derisa të jenë rreth 14 vjeç, ky studim zbulon, se aftësia e fëmijëve për të kujtuar dallime mes dy objekteve të ngjashme është ende në zhvillim.
Hulumtuesit pohojnë se ky studim nuk do të ndryshojë mënyrën se si u mësojmë fëmijëve të moshave të ndryshme, por jep njohuri të rëndësishme se si dhe kur këto rajone të trurit fillojnë të ndryshojnë dhe zhvillohen.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
