Diarreja njihet si një nga sëmundjet më shqetësuese për organizmin e njeriut. Jo vetëm si pasojë e humbjeve që i shkakton trupit, por edhe për vetë situatën e vështirë që krijon në prishjen e rehatisë në lëvizshmëri. Sidomos në verë, diarreja është një situatë ku përveç sikleteve që krijon, shkakton dehidratim të theksuar të trupit.
Diarreja është një sëmundje, e cila karakterizohet nga shtimi i lëvizjeve të zorrëve të holla dhe të trasha si pasojë e një sërë sëmundjesh, apo faktorësh të tjerë (disa medikamente, ambienti i ftohtë me marrjen e virusit të gripit etj), të cilat karakterizohen më diarre. Është një gjendje domethënëse, pasi nëse humbet një sasi e madhe lëngjesh me diarre, prishen edhe ekuilibrat hemodinamikë në organizëm, të cilat manifestohen me ulje të presionit arterial.
Mjekimi më i mirë do të ishte parandalimi!
Nëse ajo shfaqet dhe është e vazhduar, normalisht do të kërkohet marrja e medikamenteve antidiarreike, por nëse është e rrallë, mund të konsumoni produktet ushqimore të mëposhtme dhe të jeni të sigurtë se do të keni rezultate pozitive.
Bananet – Bananet janë një nga ushqimet më të shëndetshme që mund të konsumoni. Ato kanë veti shëruese, sepse treten lehtë në stomak dhe janë qetësuese. Bananet përmbajnë burime të mëdha kalciumi, i cili ndikon në humbjen e lëngjeve me anë të diarresë.
Orizi – Orizi konsiderohet si një nga ushqimet më me shumë vlera për të luftuar diarrenë. Është i lehtë për t’u tretur, sepse përmban fibra dhe ndihmon për të ngadalësuar procesin në traktin gastrointestinal, pra kundërshton fenomenin patologjik të diarresë.
Pure molle – Përfshijeni në ushqimet tuaja, sepse është e pasur me fibra që sigurohen nga pektina, një lëng, i cili konsiderohet si i njohur për të na ndihmuar në reduktimin e diarresë. Është e pasur me vitamina ushqyese.
Vezë të ziera – Vezët janë të shkëlqyera për t’u konsumuar gjatë kohës që jemi me diarre, sepse ato japin proteina, të cilat trupit tonë i japin energjinë e humbur gjatë kohës që ne jemi me diarre.
Çibuk me kripë – Një ushqim tjetër që duhet konsumuar është edhe çibuku me kripë, sepse përmban veti të cilat e mbajnë trupin tonë mjaftueshëm me ujë dhe do të na ndihmojë nga dehidratimi që vjen si pasojë e diarresë.
Djathi – Djathi hyn në produktet e bulmetit tepër të shëndetshme për shkak të vlerave që përmban, që nga proteinat, kalciumi, kripërat minerale etj. Përsa i përket diarresë, djathi bën të mundur reduktimin e tkurrjeve intestinale duke çuar në ndalimin e diarresë, ndaj duhet ta konsumoni edhe këtë produkt, nëse dëshironi rezultate sa më pozitive dhe të shpejta.
Burimi / bota.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
