Krishtlindjet janë parajsa e të gjithë njerëzve që shijojnë ushqimin. Në fakt, mes ëmbëlsirave dhe menuve të veçanta, kjo periudhë e vitit është më rrezikshmja për ata që janë në dietë, apo për ata që zakonisht ndjekin një dietë të shëndetshme dhe të ekuilibruar.
Por, dietologët bien dakord mbi nevojën për të krijuar një marrëdhënie të shëndetshme me ushqimin, kështu që mund të ndjekin një mënyrë jetese të shëndetshme gjatë gjithë vitit.
Pra, edhe në Krishtlindje ju mund të bëni mirë të zgjidhni për të konsumuar ushqime të caktuara karakteristike të festimeve dhe me vlera për shëndetin dhe madje edhe për linjat.
Arra, lajthi dhe bajame
Ndër ushqimet që nuk na mungojnë kurrë në tryezën e Krishtlindjeve, patjetër që gjejmë frutat e thata. Arra, lajthi, bajame dhe fistikë janë një element thelbësor i ngrënies për darkën e Krishtlindjeve. Zakonisht ofrohen në fund të ushqimit, duke shtuar një dozë të mirë kalorish, pas një menuje “të fortë” nga pikëpamja dietike.
Megjithatë, është e rëndësishme të theksohet së frutat e thata janë të dobishme për shëndetin dhe për linjat. Para së gjithash, janë ushqime të pasura me acide yndyrore esenciale, ose yndyrna “të mira”. Këto të fundit luftojnë kolesterolin “e keq” në gjak dhe janë aleatë të shëndetit të mirë të zemrës.
Salmoni
Një tjetër ushqim shumë i shijshëm në periudhën e Krishtlindjeve është salmoni. Ai është aleat i shkëlqyer i shëndetit dhe linjës. Merita shkon si për përmbajtjen e proteinave të larta ashtu edhe për acidet yndyrore esenciale si Omega 3, i cili mbron shëndetin e zemrës dhe trurin.
Gjatë sezonit të Krishtlindjes zakonisht salmoni konsumohet edhe në variantin e tymosur si një meze. Në këtë lloj gatimi është mirë të mbani mend se ky lloj ushqimi përmban një sasi të lartë të kripës dhe prandaj është e rëndësishme që ta konsumoni atë në sasitë e duhura. Preferohet i shoqëruar me perime të sezonit.
Xhinxheri dhe kanella
Ndër aromat më tipike të Krishtlindjeve gjejmë xhinxherin dhe kanellën. Të dy këta përbërës përdoren për të gatuar ëmbëlsirat e periudhës së festave dhe gjithashtu për të përgatitur pije në formën e çajrave ose të çokollatës së nxehtë. Xhinxheri dhe kanella janë gjithashtu dy ushqime me vlera të rëndësishme shëndetësore. Xhinxheri ka vlera të larta antioksiduese dhe mbron mukozën e stomakut.
Kanella, nga ana tjetër, është e çmuar për mbajtjen e nivelit të sheqerit në gjak. Studimet e fundit kanë treguar një rol të rëndësishëm në parandalimin e kancerit të gjirit. Këshilla jonë është t’i konsumojmë së bashku, duke përgatitur zierje dhe ngrohje të bimëve. Ose, gjithmonë t’i shtoni ato në ëmbëlsirat e Krishtlindjeve.
Hurmat e thata
Hurmat e thata janë një nga frutat e sezonit të festave, kanë një përbërës të veçantë për shëndetin dhe gjithashtu për linjat. Para së gjithash, është një ushqim shumë i ëmbël, por jo shumë i pasur me yndyrna. Përveç kësaj, hurmat e thata janë të pasura me vitamina dhe janë një ushqim i përkryer për ata që kanë nevojë të jenë plot energji (kështu që dietologët i rekomandojnë ato si ushqimi i mbijetesës).
Vitaminat që gjenden tek hurmat janë kryesisht C dhe A, gjithashtu këto fruta kanë një përmbajtje të mirë të hekurit, kalciumit dhe mineraleve të tjera të çmuara. Së fundmi, ajo është mjaft e rëndësishme, pasi ka fibra që e bëjnë hurmën një aleat të atyre që duhet tw mbajnë nën kontroll nivelet e kolesterolit të keq në gjak.
Por, ndoshta jo të gjithë e dinë se hurmat janë gjithashtu efektive në luftën kundër sëmundjeve inflamatore dhe mbrojtjen e traktit respirator nga sëmundjet sezonale.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
