Dermatologët rekomandojnë të kaloni pesë deri në dhjetë minuta kohë në dush. Edhe pse koha kur bëni dush varet nga preferencat tuaja personale, ata që zgjedhin ta bëjnë atë gjatë natës, kanë më shumë përfitime kur vjen puna tëek shëndeti dhe bukuria.
“Bright Side” zbulon arsyet pse ndodh kështu.
Mund të flini gjumë më shpejt.
Një dush në mbrëmje relakson trupin dhe mendjen tuaj dhe kur e bëni atë në kohën e duhur mund të flini edhe më mirë. Dushi 90 minuta para gjumit me ujë të ngrohtë mund t’ju ndihmojë të flini rreth 10 minuta më shpejt se zakonisht. Kjo ndodh sepse uji i ngrohtë zakonisht ul temperaturën e trupit tuaj, i cili nga ana tjetër dërgon sinjal në trupin tuaj që është koha për të fjetur.
Ju bën mirë për lëkurën.
Dushi para gjumit mund t’ju ndihmojë t’i mbani puçrrat larg. Flokët tanë mbledhin baktere dhe produkte të ndryshme gjatë gjithë ditës, dhe kur e mbështesim kokën në jastëk, të gjitha këto elementë përfundojnë më pas në fytyrë. Meqënëse lëkura rigjenerohet gjatë kohës që flemë, gjumi me një lëkurë të pastër dhe të freskët do të thotë gjithashtu se qelizat e reja të lëkurës, do të jenë të shëndetshme.
Mund të lehtësojë alergjitë sezonale.
Nëse vuani nga alergjitë sezonale, dushi para gjumit mund t’ju ndihmojë në lehtësimin e simptomave. Nëse nuk laheni para se të shtriheni, pluhuri dhe poleni do të përfundojnë në shtrat bashkë me ju.
Flokët do të jenë më të shëndetshëm.
Nëse i lani flokët në mbrëmje, do të keni më shumë kohë për t’i lënë që të thahen në mënyrë natyrale. Kjo, nga ana tjetër, i mban flokët me shkëlqim për më gjatë, pasi ndihmon në bllokimin e lagështisë. Tharja e flokëe me nxitim në mëngjes, mund të dëmtojë fijet, duke i bërë më të dobta se zakonisht.
Mund t’ju ndihmojë të luftoni djersitjen e tepërt.
Një dush i ftohtë para gjumit mund të ndihmojë në zvogëlimin e sasisë së djersitjes gjatë natës, process nga i cili vuajnë shumë njerëz.
Mund të parandalojë ngërçet e muskujve.
Nëse keni dhimbje tek muskujt, një dush i ngrohtë mund t’ju ndihmojë me lehtësimin e ndjesisë së pakëndshme. Uji i ngrohtë ndihmon në zbutjen e tensionit të muskujve dhe ndikon tek një gjumë më i rehatshëm dhe më cilësor gjatë natës. Gjithashtu, një dush i ngrohtë para gjumit mund të parandalojë ngërçet tek kyçet e këmbëve, një situatë që prek rreth 60 për qind të njerëzve.
Burimi: Panorama.com.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
