Njerëzit tërheqës ka të ngjarë të jenë më inteligjentë, zbulojnë studimet.
Njerëzit që janë tërheqës fizikisht mund të kenë IQ deri në 14% më të lartë se sa ata më pak tërheqës. Rezultatet vijnë nga të dhënat për 17,419 fëmijë në Mbretërinë e Bashkuar të cilët janë ndjekur që nga viti 1958. Fëmijët tërheqës meshkuj kanë 13.6 pikë më shumë IQ sesa bashkëmoshatarët e tyre jo tërheqës. Ndërkohë, fëmijët femra kanë 11.4 pikë më shumë IQ. Ky është ndryshimi midis të qenit me inteligjencë mesatare dhe të lartë.
Njerëzit pa vetëdije supozojnë se njerëzit me pamje më të mirë janë më inteligjentë. Është pjesë e asaj që psikologët e quajnë ‘efekti aureolë’: mendja supozon se ajo që është e bukur është e mirë.
Yjet e Hollivudit demonstrojnë në mënyrë të përsosur efektin e aureolës. Për shkak se ata janë shpesh tërheqës dhe të pëlqyeshëm, ne natyrshëm supozojmë se ata janë gjithashtu inteligjentë, miqësorë, shfaqin gjykim të mirë etj.
Siç shkruajnë autorët e studimit: “Individët perceptojnë si më inteligjentë personat që janë fizikisht tërheqës sesa ata që nuk janë fizikisht tërheqës. Ndërsa shumica e studiuesve e hedhin poshtë këtë perceptim si një “paragjykim” ose “stereotip”, ne pretendojmë se individët e kanë këtë perceptim sepse njerëzit e bukur janë me të vërtetë më inteligjentë.”
Autorët paralajmërojnë se gjetja nuk duhet të përdoret si bazë për diskriminim ose paragjykim: “Pohimi ynë se njerëzit e bukur janë më inteligjentë është thjesht shkencor. Nuk është një recetë për mënyrën sesi të trajtohen ose gjykohen të tjerët.”
I gjatë dhe inteligjent
Një shenjë e dytë e inteligjencës më të lartë është të qenit më i gjatë. Arsyeja është se gjenet që lidhen me lartësinë lidhen gjithashtu me inteligjencën. Përfundimi vjen nga një studim i ADN-së së 6,815 njerëzve.
Sigurisht, ka akoma njerëz të shkurtër dhe inteligjentë. Por, mesatarisht, ekziston një lidhje e vogël mes të qenit më i gjatë dhe të paturit inteligjencë më të lartë.
Burimi / https://www.spring.org.uk/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
