Konsumimi i rregullt i ushqimeve të pasura me sheqer dhe yndyrë ndryshon lidhjet nervore dhe e mëson trurin që të preferojë ato ushqime ndaj atyre të shëndetshme.
A u zhyt luga në krem para se të mund të mendonit të kënaqeni me një fetë tortë? Ka një arsye pse dëshirat për ushqime të ëmbla ose me shumë yndyrë shpesh duken “më të forta se ne”. Në planin afatgjatë, këto ushqime ndryshojnë trurin, duke e shtyrë atë t’i kërkojë gjithnjë e më shpesh, t’i vendosë në karrocën e supermarketit dhe t’i preferojë ato ndaj gjërave të tjera për të ngrënë.
Shkencëtarët në Institutin Max Planck për Kërkimin e Metabolizmit në Këln, Gjermani, duke punuar në bashkëpunim me Universitetin Yale, kanë pyetur veten nëse tërheqja ndaj ushqimeve të pashëndetshme dhe të majme është e lindur apo është pasojë e mbipeshës. Ata kanë zbuluar se kjo shtysë e parezistueshme mund të mësohet dhe se trurit tonë i duhet relativisht pak për të mësuar të preferojë ushqime shumë të yndyrshme ose me shumë sheqer.
Siç shpjegohet në studimin e publikuar në Cell Metabolism, studiuesit i ofruan një grupi vullnetarësh një puding të vogël me shumë sheqer dhe yndyrë, përveç dietës së tyre normale, çdo ditë për tetë javë. Pjesëmarrësit e tjerë morën një puding me të njëjtat kalori, por më pak yndyrë. Aktiviteti i trurit i të gjithë subjekteve u monitorua gjatë gjithë eksperimentit.
Pas tetë javësh, reagimi i trurit ndaj ushqimeve të pasura me sheqer dhe yndyrë u rrit ndjeshëm në grupin që hante më pak puding të shëndetshëm. Në veçanti, këto ushqime aktivizuan në mënyrë më të dukshme sistemin dopaminergjik, kompleksin e rrugëve nervore në tru përgjegjës për perceptimin e shpërblimit dhe motivimit.
Ekspozimi i vazhdueshëm ndaj këtyre shijeve kishte ndikuar aq thellë në tru, saqë ai ridizajnoi lidhjet e tij: «Matjet tona të aktivitetit të trurit treguan se truri ndryshon lidhjet e tij kur konsumon patate të skuqura dhe ushqime të ngjashme. Në mënyrë të pandërgjegjshme mëson të preferojë këto ushqime që e kënaqin. Nëpërmjet këtyre ndryshimeve ne do të përfundojmë duke preferuar gjithmonë në mënyrë të pandërgjegjshme ushqime që përmbajnë shumë yndyrë dhe shumë sheqer”, shpjegon Marc Tittgemeyer, i cili drejtoi studimin.
Edhe nëse gjatë eksperimentit ata që hëngrën pudingun “kriminel” as nuk shtuan në peshë dhe as nuk u shtuan nivelet e kolesterolit, shkencëtarët janë të bindur se efektet e këtij trajnimi ushqimor jo të shëndetshëm do të mbeten me kalimin e kohës, sepse “sapo t’ju formojnë lidhje të reja në tru, ato nuk treten aq lehtë.
Në fund të fundit, qëllimi i të mësuarit është që pasi mëson diçka, nuk e harron aq shpejt,” përfundon Tittgemeyer.
Burimi Focus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
