Në fokus

May 5, 2020 | 8:10

Energjia magjike e maceve…

Macet kanë një lidhje me botën e padukshme të magjisë. Ashtu si qentë janë kujdestarët tanë në botën fizike, macet janë mbrojtësit tanë të botës së energjisë. Gjatë kohës që është zgjuar, macja shkon për të “pastruar” shtëpinë nga energjitë negative.

Kur fle, ajo e filtron dhe e shndërron këtë në energji. Macja shpesh mund të jetë në vende me qarkullim të dobët të energjisë jetike Prana ose Chi dhe të aktivizojë këtë zonë. Shumë herë macja përqendrohet plotësisht… ajo sheh gjëra që ne nuk i shohim, nga insektet mikroskopike deri te qeniet nga dimensione të tjera.

Shumë herë macja juaj shkon në një vend të izoluar nga shtëpia dhe fillon të grindet, nuk është vetëm vëmendja që ajo dëshiron, por është dhe një lloj paralajmërimi që ajo po jep: ajo duhet të përmirësojë cilësinë e energjisë në atë vend.

Kur vendi ngarkohet shumë me energji negative, nuk është e rrallë që macja të sëmuret. Është e qartë se macja nuk është e vetmja përgjegjëse për ekuilibrin energjetik të shtëpisë. Sa më shumë harmoni të ketë në mjedisin tuaj, aq më pak energji negative do t’i duhet të filtrojë dhe rrjedhimisht do të jetë më e lumtur, më e shëndetshme.

Kur flemë trupat tanë astralë ndahen nga trupi fizik dhe kalojmë në dimensionin e pestë, dimensionin e përjetshëm dhe hapësinor: dimensionin në të cilin jemi kur ëndërrojmë. Për shkak të mungesës së stërvitjes dhe përgatitjes, në pjesën më të madhe të kohës ne nuk e shohim këtë dimension ashtu siç është, por priremi të maskojmë dhe kodifikojmë përmbajtjen e pavetëdijshme dhe psikike. Macet shpesh na shoqërojnë në këto udhëtime astrale ose mbrojnë trupin tonë astral, si dhe na mbrojnë nga shpirtrat e padëshiruar kur jemi duke fjetur. Këto janë arsyet pse ata pëlqejnë të flenë në shtrat me ne.

Macet monitorojnë evolucionin tonë.

Ndërsa jetojnë me ne, ato transmetojnë informacionin në dimensione më të larta, sepse ato veprojnë si radarë dhe transmetues. Për më tepër, si transformatorë të energjisë ato ndihmojnë në shërimin, duke luajtur një rol të ngjashëm me atë të kristaleve. Kotelet janë mësues, ato na mësojnë të duam. Një dashuri të lirë dhe jo të nënshtruar, respektuese e dallimeve.

Pse kaq shumë njerëz e kanë të vështirë të jetojnë me macet?

Së pari, ju duhet të fitoni besimin e maceve. Pastaj, duhet të mësosh ta respektosh. Ajo do t’ju shpreh dashuri kur vërtet e meritoni.

Macet pasqyrojnë dashurinë.

Nga pikëpamja energjetike, njerëzit që kanë alergji nga macet janë njerëz që po kalojnë një periudhë të vështirë duke e lënë dashurinë të hyjë në jetën e tyre. Sipas Caroline Connor, nëse ka shumë njerëz në familje dhe një mace të vetme, ajo mund të mbingarkohet me të gjitha negativitetet. Është mirë të keni më shumë se një mace për të ndarë ngarkesën. Tregohuni të kujdesshëm me macet që reagojnë ndaj vizitave në shtëpi. Shumë herë ato po përpiqen të mbrojnë veten nga një fushë energjie negative ose e rëndë.

 

 

Burimi / https://blogi4cinzia1bois1.blogspot.com/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Agjente Marketingu:
Erinda Topi: 0688019400
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top