Përhapja në mbarë botën e koronavirusit shoqërohet me teori konspirative. Epidemia thuhet se është një armë biologjike apo edhe një dënim i Zotit. Mijëra skenarë po qarkullojnë kohët e fundit, ndonjëherë qesharake, por ndonjëherë, mund të jenë të rrezikshme.
Esmeralda Birçaj, eksperte e shëndetit mendor, Gjykata e Rrethit Vlore, Terapiste EMDR 1
Një teori thotë se klerikët nga Tunizia dhe Egjipti duan që epidemia të jetë ndëshkimi hyjnor i Kinës për t’u marrë me Uigurët. Një teori tjetër thotë se në Rusi dhe Iran ka pasur thashetheme se epidemia është një sulm me armë biologjike të SHBA. Edhe në Irak, një komentues politik ka përhapur mendimin se epidemia është një komplot SHBA-Hebrenj që synon degjenerimin e popullsisë së botës. Në shumë teori konspirative, ekziston skenari sipas të cilit, truri demonik në sfond kontrollon politikën ndërkombëtare dhe përdorin gjithashtu armë biologjike, shpesh duke fajësuar hebrenjtë për gjithçka.
Teoria e komplotit që ka tërhequr vëmendjen është fotografia e një kamionçine treni, e cila duket se mban shënimin(shenjën) COVID-19. Teoria është se kamionçina duhet të mbarte virusin, i cili ishte bërë në një laborator për të vrarë popullsinë e planetit, dhe kjo fotografi është prova. Sidoqoftë, shënimi në atë foto është rezultat i përpunimit. Por çfarë është në të vërtetë? Kompania që zotëron trenin quhet GATX dhe është me qendër në Illinois, SHBA. Në Shtetet e Bashkuara ekziston një dispozitë specifike se si specifikohet informacioni mbi kamionët nga Shoqata Amerikane e Hekurudhave.
Është e qartë se shprehja ‘COVID-19’ nuk përmendet si një shënim i pranueshëm dhe as nuk duket se kjo zonë është e mbuluar nga disa sinjalistika.
Për ta bërë rregullimin e këtyre elementeve në vagon më të kuptueshëm, po përdor modelin e treguar në foton në shqyrtim, për të bërë dallimet e dukshme.
Sigurisht, nëse do të kishte vagonë që bartnin virusin, ekzistojnë dy probleme. Nga njëra anë, nëse qëllimi i këtij komploti ishte përçimi i sëmundjes në mënyrë të paditur në publik, do të ishte jashtëzakonisht e paefektshme reklamimi i përmbajtjeve jashtë vagonave dhe, nga ana tjetër ‘COVID-19’ të quhej sëmundje, jo virus. Kështu që në këtë rast në kamionçin do të shkruhej” SARS-CoV-2″.
Në fund të fundit, fotografia që po qarkullon në mediat sociale nuk është reale pasi shenja në vagon nuk korrespondon me rregullat e përcaktuara nga Shoqata Amerikane e Hekurudhave.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
