Kur fëmija nuk ka vullnet për të çuar një detyrë deri në fund i rrituri pranë tij, qoftë prindi apo edukatori, duhet ta nxisin, duke u përfshirë edhe ai në aktivitetin që duhet të kryejë fëmija. I rrituri me durim i tregon sa është rritur.
Nga Lira Gjika
Pediatre
Po të ishte mërzitur dhe të kishte përtuar, nuk do të kishte mësuar të ecte, nuk do të kishte mësuar të fliste apo të përdorte dorën për të ushqyer veten apo të vizatonte e të shkruante. Por, nuk u mërzit dhe nuk përtoi dhe i realizoi. Po kështu duhet të vazhdojë të bëjë edhe tani, të dy bashkë do ia dalin që t’i realizojë, të mësojë e zbulojë gjërat përreth dhe aftësitë e tij brenda vetes.
Gjithashtu, duke mësuar do të mund t’i arrijë e nxjerrë nga shpirti gjërat e bukura që ka aty, përndryshe nuk do të dijë si t’i nxjerrë dhe mbi të gjitha nuk do të gjejë fjalën e duhur dhe kështu as mendimin e vet.
Fëmija që t’ia dalë të realizohet si person, ka nevojë për praninë e të rriturit.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
