Të adhurosh të famshmit mund të nënkuptojë gjithashtu lidhjen e gjithë jetës suaj rreth një personi me të cilin nuk ke patur kurrë interaktivitet apo ndërveprim domethënës.
Kur dikush arrin statusin e të famshmit, është e natyrshme ta admirosh për arritjet e tyre. Një i famshëm mund të ndikojë edhe në jetën tuaj, pasi mund t’ju influencojë për një udhëtim të caktuar, apo për kauza më të rëndësishme si bamirësia, apo rritja e ndërgjegjësimit.
Sindroma e adhurimit të të famshmëve është një lloj marrëdhënieje parasociale që ndodh kur admirimi i një personi të famshëm shndërrohet në një magjepsje dhe preokupim obsesiv.
Është përshkruar si një çrregullim obsesiv-varësues (OCD) megjithëse nuk është një gjendje e njohur klinikisht në Manualin Diagnostik dhe Statistikor të Çrregullimeve Mendore.
Ashtu si të gjitha marrëdhëniet parasociale, sindroma e adhurimit të të famshmëve mund të konsiderohet një marrëdhënie e njëanshme, jo reciproke.
Ajo përfshin një person që po investon shumë kohë dhe energji në një lidhje me dikë (në këtë rast, një personazh i famshëm), që as nuk është në dijeni për ekzistencën e ‘admiruesit’.
Ndërveprimet dhe marrëdhëniet parasociale nuk janë të rralla – ose domosdoshmërisht negative. Lidhjet që ndjeni me personazhet e famshëm, apo edhe me personazhet e trilluar mund të japin mësime pozitive në jetë.
Por sindroma e adhurimit të të famshmëve është më shumë se një marrëdhënie parasociale. Është një model sjelljesh që shpesh janë obsesive, kompulsive dhe varësuese.
Një nga shkallët më të spikatura, u zhvillua në vitin 2002 dhe është krijuar për të vlerësuar nivelet e adhurimit të të famshmëve dhe sesi secili nivel ndikon në mirëqenien mendore.
Rreth një e treta e publikut të gjerë mund të përjetojë adhurimin e të famshmëve në një nivel patologjik kufitar.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
