Kantautori merr çmimin Nobel me motivin “ka krijuar shprehje të reja poetike në kuadër të traditës së mrekullueshme të këngëve amerikane “
Bob Dylan është fituesi surprizë i çmimit Nobel për letërsinë në Stokholm. Duke folur me gazetarët pas shpalljes së çmimit, sekretarja e Akademisë Suedeze, Sara Danius, tha se shpresonte që Akademia nuk do të kritikohet për zgjedhjen e saj.
“Ai është një poet i madh në traditën anglisht-folëse. Ai është një model i mrekullueshëm, një model shumë origjinal. Ai mishëron traditën dhe për 54 vjet tani ai ka qenë në të, duke ndryshuar veten vazhdimisht, duke krijuar një identitet të ri.”
Danius tha se zgjedhja e Dylan mund të duket e habitshme “, por në qoftë se ju shikoni prapa, … zbuloni Homerin dhe Sappho. Ata shkruan tekste poetike që janë menduar të dëgjohen, shpesh bashkë me instrumente, dhe kjo është e njëjta gjë për Bob Dylan. Ne ende lexojmë Homerin dhe Sappho, dhe i gëzojmë ato. E njëjta gjë me Bob Dylan – ai mund të lexohet dhe duhet të lexohet. Ai është një poet i madh në traditën e madhe angleze. ”
“Si një artist, ai është shumë i zhdërvjellët; ai ka qenë aktiv si piktor, aktor dhe skenarist. Dylan ka statusin e një ikone“, thuhet në njoftim.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
