Mirëqenie

April 14, 2018 | 11:27

Frika për të qenë i lumtur, shkaqet dhe simptomat

E keni provuar ndjesinë e diçkaje që duket shumë mirë për të qenë e vërtetë? Shihni se mjaft gjëra kanë ndodhur në favorin tuaj së fundmi dhe ju duket e dyshimtë?

Disa persona nuk mund ta kapërcejnë këtë ndjesi, dhe fati i tyre i mirë merr një kthesë të keqe në mendje. Njerëzit që kanë një neveri të paarsyeshme për të qenë të lumtur  vuajnë nga sindromi që quhet Kerofobia (cherophobia). Ajo vjen nga fjala greke ‘chairo’ që do të thotë “unë gëzohem”. Në thelb ajo do të thotë se njerëzit kanë frikë të bëhen pjesë e çdo gjëje të lumtur.

Nuk janë aktivitetet e frikshme, por është frika se nëse e lëshon veten të jesh i lumtur, mund t’ju ndodh diçka e keqe.

Kerofobia nuk përdoret gjerësisht dhe nuk ka një përcaktim të saktë, por është shfaqur si term në edicionin e fundit të Diagnostic Statistical Manual of Mental Disorders, që është burimi kryesor i diagnostifikimit të kushteve të shëndetit mendor. Por sipas Healthline, disa mjekë ekspertë e klasifikojnë kerofobinë si një formë ankthi.

Dikush që ka kerofobinë, ndoshta nuk është i trishtuar gjithë kohës, por thjesht shmang ngjarjet apo aktivitetet që i sjellin lumturi e gëzim.

Disa simptoma të kësaj, sipas Healthline janë:
1. Ankth kur jeni të ftuar në një mbledhje shoqërore

2. Anashkalimi i mundësive që mund të çojnë në ndryshime pozitive të jetës, me frikën se diçka e keqe do të ndodhë

3. Refuzoni të merrni pjesë në aktivitete “zbavitëse”.

4. Mendoni se të jesh i lumtur do të thotë se do të ndodhë diçka e keqe.

5. Mendoni se lumturia ju bën një njeri të keq, apo më të keq.

6. Beson se të tregosh lumturi është keq për ty, miqtë dhe familjen.

7. Mendoni se të përpiqesh të jesh i lumtur është humbje kohe dhe përpjekjesh.

Burimet e Kerofobisë janë nga më të ndryshmet. Për shembull, mund t’ju ketë ndodhur diçka e keqe pas një çasti lumturie, dhe mendoni se kështu mund të ndodhë sërish.

Trajtimi i Kerofobisë ndryshon mënyrën se si mendoni. Nëse mendoni se mund ta keni atë, ka gjasa që është ndërtuar për shkak të konfliktit të kaluar ose traumës.

Do të duhet kohë për të zgjidhur problemet tuaja, por me trajtim, mund të jeni në gjendje ta kaloni frikën, të gëzoni lumturinë dhe të filloni të jetoni momentin.

Burimi / http://http://www.businessinsider.com

To Top

Powered by themekiller.com anime4online.com animextoon.com apk4phone.com tengag.com moviekillers.com