Mirëqenie

October 9, 2020 | 9:38

Ftohjet, ja disa ilaçe natyrore për të lehtësuar simptomat

 

Me ardhjen e vjeshtës kthehet edhe i ftohti. Një sëmundje sezonale tipike e ftohjeve të para. Hundë që rrjedhin dhe të bllokuara, teshtimë, djegie ose dhimbje në fyt dhe në disa raste edhe kollitje ose ethe. Këto janë simptomat e rinitit, një term mjekësor për ftohjen e zakonshme që shpesh shkaktohet nga viruset.

Me ndryshimin e sezonit, veçanërisht me uljen e temperaturave, është e lehtë të hasësh në këtë sëmundje të bezdisshme, megjithëse të përkohshme, që zakonisht shërohet brenda një jave.

Mjetet natyrore për të luftuar ftohjet dhe për të lehtësuar simptomat e tyre

I ftohti, megjithëse është një sëmundje shumë e zakonshme, nuk mund të shërohet, por duhet të vazhdojë rrjedhën e tij. Zakonisht kalon vetë pas 7 ditësh. Sidoqoftë, ne mund të pëdorim disa strategji për të përmirësuar simptomat.

Në fakt, ka ilaçe natyrore, disa prej të cilave mund të jenë të dobishme për të gjithë familjen, përfshirë fëmijët dhe gratë shtatzëna, që mund të merren në vend të ilaçeve, për të lehtësuar ftohjet.

– Këshilla e parë që duhet të merrni kur ftoheni është të pushoni. Duke qenë në ambiente të mbyllura, me siguri, do të ketë një shans më të mirë për shërim. Gjithashtu, në kohën e Covid është më mirë të mos infektosh njerëz të tjerë.

Fjetja me dy jastëk mund të jetë gjithashtu një zgjidhje për frymëmarrje më të mirë. Në fakt, qëndrimi pak zgjuar do të ndihmojë në rast të bllokimit të hundës.

– Një ilaç i vërtetë kundër gripit është çaji bimor i limonit dhe xhenxhefilit. Këto dy ushqime kanë veti antibakteriale dhe anti-inflamatore. Përveç pirjes së tij, e dobishme është edhe frymëmarrja mbi avullin që lëshojnë këta përbërës kur i ziejmë. Për më tepër, ky çaj bimor mund të merret edhe për qëllime parandaluese.

Vajra esencialë. Në veçanti, vaji i pemës së çajit është i dobishëm për vetitë e tij antivirale. Në një tenxhere me ujë të vluar shtojmë 10 pika vaj esencial, mund të përdorim edhe atë të eukalipt dhe me një peshqir në kokë thithim avullin që lëshohet.

– Qumësht dhe mjaltë. Pirja e një gote qumësht të ngrohtë me mjaltë është një nga ato mjete shëruese gjithmonë të mira. Lëngu i nxehtë në fakt do të hollojë mukusin ndërsa mjalti do të jetë i dobishëm për të përshpejtuar shërimin.

Supë pule. Siguron gjërat e domosdoshme për lehtësimin e simptomave të ftohjes. Në fakt, ajo përmban proteina, vitamina dhe minerale të dobishme për përshpejtimin e shërimit.

Larjet e hundës me ujë të kripur. Ato janë të dobishme për dezinfektimin e traktit respirator, falë kripës dhe shpërndarjes së mukusit. Ato gjithashtu mund të gjenden të gatshme. Larjet e hundës janë një praktikë shumë e zakonshme për foshnjat në rast ftohjeje. Në fakt, fëmijët e vegjël që nuk dinë ende të fryjnë hundën duhet të ndihmohen për ta liruar atë. Futja e një tretësire të thjeshtë kripore në vrimën e hundës do t’i ndihmojë ata të eleminojnë sekrecionet.

Masazh kraharorit. Përdoret për të shpërndarë mukusin, duke çliruar traktin respirator. Mund të përdorim vaj esencial eukalipt të kombinuar me gjalpë shea, masa e përftuar masazhohet në pjesën e kraharorit me lëvizje të ngadalta dhe rrethore.

Së fundmi është e rëndësishme që t’i kushtohet vëmendje dietës, duhet t’u jepet përparësi ushqimeve të lehta të pasura me vitamina dhe kripëra minerale.

 

 

Burimi / https://www.chedonna.it/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Agjente Marketingu:
Erinda Topi: 0688019400
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top