Në fund të muajit shumica prej jush mbeten pa para, ose rroga është harxhuar e gjitha dhe mbeteni në udhëkryq… Por çfarë duhet të bëjmë që të mos mbetemi kaq gropë?
Ekspertët e Business Insider, japin disa këshilla se si t’i ruani të ardhurat tuaja, pa vështirësi:
- Bëni një listë të gjërave që doni
Ju e dini shumë mirë se çfarë ju duhet për të blerë. Shënoni vetëm gjërat kryesore dhe mos mendoni të blini gjëra të panevojshme, sepse vetëm do i prishni punë vetes me harxhimet e tepërta.
- Nëse keni makinë, mundohuni të mos e përdorni çdo ditë të javës
Edhe pse makina në ditët e sotme është një domosdoshmëri, duhet të tregoni kujdes, sidomos në ditët që jeni afër fundit të muajit. Nëse keni mundësi përdorni transportin publik, ose nëse distanca nuk është e madhe, ecni në këmbë ose përdorni biçikletën.
- Gatuani më shumë në shtëpi
Gatimi në shtëpi jua ul koston e harxhimit. Nëse shkoni shpesh nëpër restorante të ardhurat tuaja do shkojnë drejt fundit dhe do mbeteni pa asgjë në fund të muajit.
- Mos dilni shpesh
Nëse ju ftojnë për të dalë për të pirë diçka jashtë, mos shkoni. Ju e dini se nëse do dilni do harxhoni dhe fundi i muajit është pranë. Mos mendoni vetëm një natë.
Burimi / gsh.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.