Adhuruesit e kafesë do të jenë të lumtur të zbulojnë një tjetër arsye të shkëlqyeshme për t’u kënaqur me kafe. Pirja e kafesë dhe loja sportive mund të jetë një kombinim fitues. Zbuloni të gjitha avantazhet e këtij opsioni.
Përfitimet që sjell konsumi i kafesë para se të ushtroheni
Pirja e kafesë para se të luani sport rrit përfitimet e trajnimit tuaj aerobik, një studim i kryer mbi këtë temë ka nxjerrë në pah disa efekte befasuese të kafesë në lidhje me stërvitjen. Për të arritur në këtë përfundim, studiuesit nga Universiteti i Granadës zhvilluan një studim duke ekzaminuar 15 burra të moshës rreth 32 vjeç.
Përfundimet e studimit u botuan në Journal of the International Society of Sport Nutrition dhe janë mbresëlënëse. Studimi tregon se pirja e kafesë gjysmë ore para se t’i nënshtroheni trajnimit përmirëson djegien e dhjamit. Ata që pinin kafe para një stërvitje aerobike pasdite, digjnin më shumë yndyrë për të njëjtën sasi përpjekjesh.
Por sa kafe duhet të pijë një njeri për të shijuar këto përfitime? Saktësisht 3 miligram kafeinë për çdo kg. Le të flasim për një sasi jo të vogël, nëse peshoni 70 kg duhet të pini 2 filxhanë kafe moka. Kafeja moka përmban më shumë kafeinë sesa ekspresi. Studimi jo vetëm që tregoi se stërvitja pas marrjes së kafesë përmirëson oksidimin e yndyrës, por gjithashtu do të kishte përfitime të tjera:
- Përmirëson rezistencën e muskujve
- E bën lëvizjen më të shpejtë
- I bën muskujt më të fortë
Kafeja është vërtet plot surpriza, pas efektit befasues që shkenca i ka atribuar erës së kafesë dhe pasi zbuloi se pirja e saj në mbrëmje nuk ndikon në cilësinë e gjumit tonë, tani zbulojmë efekte të pabesueshme në trajnim. Pirja e tepërt e kafesë mund të dëmtojë shëndetin tuaj.
Pavarësisht nga karakteristikat tuaja fizike, sasia e kafesë që konsumoni çdo ditë mund të jetë e tepërt për ju, për të kuptuar nëse po pini shumë kafe ka një mënyrë të pagabueshme, trupi juaj ju tregon se po e ekzagjeroni përmes disa sinjaleve specifike.
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
