Xhelozia në një çift është një ndër gjërat më normale. Kjo varet edhe nga karakteri i secilit, por kur ajo është shumë e dukshme dhe shkon në ekstrem, çifti vërtet gjendet në një situatë të vështirë. Ekspertët, kanë renditur disa këshilla si ta shmangni xhelozinë dhe të jetoni të qetë shpirtërisht me partnerin tuaj.
- Mos reagoni në publik
Mos dyshoni direkt, por mundohuni që të jeni pozitivë. Nëse nuk ju përgjigjet në telefon, mos mendoni direkt tradhtinë, ndoshta i ka ndodhur diçka, prandaj prisni, mos u nxitoni të nxirrni përfundime të kota.
- Flisni hapur
Xhelozia po ju bën keq dhe nuk ndiheni mirë, prandaj flisni sa më drejtpërdrejt në lidhje me dyshimet tuaja. Ndoshta do bindeni që jeni gabim.
- Mos ofendoni femrat e bukura
Kur ju bëni një shëtitje me partnerin tuaj dhe afër kalon një femër e bukur, mos u mundoni të thoni që nuk ishte tërheqëse. Përderisa, ai ju ka zgjedhur ju, kjo femër nuk përbën kërcënim, prandaj kini më shumë vetëbesim.
- Respektoni hapësirën e tij
Mos shkoni me të kudo, por lërini pak hapësirë. Partneri ka nevojë të takojë miq dhe të shkëputet pak nga ju. Kjo do ndihmojë lidhjen mos të bëhet monotone.
- Ndryshoni pamjen tuaj
Nëse nuk ndiheni mirë me veten tuaj, atëherë bëni diçka ndryshe. Ndryshoni pamjen e jashtme, nëse do ndikojë në vlerësimin për veten tuaj.
Burimi / Intv.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
