Lifestyle

August 3, 2018 | 13:22

Kafe e ftohtë, ja se si ta përgatisni vetë në shtëpi

Kush nuk ka nevojë për të paktën një kafe për të filluar ditën? Dhe pastaj dy, tre, katër … për ta vazhduar atë? Megjithatë, me verën dhe mungesën e dëshirës për pije të nxehtë, më mirë të zgjedhësh një kafe të ftohtë që mund të na japë fuqinë dhe energjinë që na nevojitet, por edhe një ndjenjë të këndshme freskie. Ju gjithashtu mund ta bëni atë edhe në shtëpi, ju duhet vetëm kafe, akull (dhe një përzierës nëse doni edhe shkumë).

E ftohtë edhe gota

Gjëja e parë që duhet të mendoni është se ku dëshironi ta shijoni kafenë e ftohtë. Nëse doni të rritni dhe të zgjatni ndjenjën e freskisë së kafesë, ftoheni gotën e zbrazët, duke e vendosur atë në frigorifer për disa minuta.

Në gotë me akull

Sapo gota është ftohur, derdhni pak kube akulli dhe pastaj menjëherë një kafe të gjatë. Zgjidhni sipas shijes suaj nëse doni t’i hidhni sheqer dhe shijojeni.

Më parë

Ju gjithashtu mund të përgatisni një kafe moka, duke i derdhur të gjitha në një shishe, e lini të ftohet pak dhe pastaj transferojeni në frigorifer për të pasur kafe të ftohtë gati sa herë të keni nevojë.

Kafe me shkumë

Nëse dëshironi një kafe të ftohtë me shkumë, merrni një përzierës, vendosni me rregull akullin, sheqerin e lëngshëm dhe më në fund kafenë. Mbylleni menjëherë dhe shkundeni për rreth dhjetë sekonda. Pastaj hidheni në gotë duke e mbajtur akullin me sitë ose me lugë.

Mund t’i shtoni

Për më shumë shije, në përzierësin tuaj ju gjithashtu mund të shtoni edhe liker ose krem pana.

Me mikser

Nëse nuk keni përzierës, por dëshironi një kafe të ftohtë me shkumë, ju mund të përzieni me mikser kafenë së bashku me akull dhe sheqer, derisa akulli të jetë shkrirë dhe shkuma të jetë formuar.

 

Burimi / http://gazeta-shqip.com

To Top

Powered by themekiller.com anime4online.com animextoon.com apk4phone.com tengag.com moviekillers.com