Dëshmi

January 21, 2022 | 8:20

“Kam harruar bashkëshortin tim pas një aksidenti horror – kam humbur 15 vjet nga jeta ime”

Pasi Angela Sartin-Hartung mbeti në koma pas një aksidenti të rëndë në vitin 2013, burri i saj Jeff ishte tmerruar se ajo nuk do të zgjohej. Por kur mrekullia ndodhi, ai kuptoi se do të duhej t’ia nisnin nga e para. Sfida ishte e madhe.

0

Një grua që ra në koma pas një aksidenti të tmerrshëm, u zgjua me kujtesën e fshirë – duke harruar burrin e saj. Angela Sartin-Hartung, tani 55 vjeçe, u godit nga një makinë teksa po kalonte rrugën në Oklahoma në tetor të vitit 2013. Aksidenti tragjik e bëri të luftonte për jetën e saj në koma – por kur u zgjua një muaj më vonë, ajo nuk mbante mend asgjë nga 15 vitet e mëparshme të jetës së saj.

Pavarësisht se kishte në krah bashkëshortin, Jeff Hartung, Angela nuk mund të kujtonte dekadën e mëparshme që kishin kaluar së bashku për shkak të një dëmtimi në tru. Në fakt, ajo mendoi se ai ishte një mjek, transmeton The Sun.

Duke menduar se ishte nëna 36-vjeçare e një vogëlushi dhe një tetë-vjeçareje, Angela nuk mund ta kuptonte se ajo ishte në të vërtetë 51 vjeçe dhe fëmijët e saj ishin 17 dhe 23 vjeç. Ajo gjithashtu mendoi se ishte ende e martuar me bashkëshortin e saj të parë John, i cili kishte vdekur në vitin 1998.

Ndërkohë, Jeff ishte në trazira. Ndërsa ishte lehtësuar që dashuria e tij ishte kthyer në jetë, ai ndihej zemërthyer që ajo nuk mund të kujtonte kohën e tyre së bashku. Dhe pasi mjekët e paralajmëruan se shumë martesa nuk i mbijetojnë humbjes së kujtesës kaq ekstreme sa ajo e Angela-s, ai u ndje i pashpresë.

01

Pavarësisht se nuk e kishin idenë se çfarë i priste, Jeff u vendos pranë gruas së tij – por nuk ishte gjithmonë kaq e lehtë.

Anxhela kujtoi: “Njeriu me të cilin u dashurova në universitet dhe u martova në vitin 1985. Kur dëgjova se kishte vdekur pesëmbëdhjetë vjet më parë në vitin 1998, hidhërimi më goditi. Asgjë nuk kishte kuptim.”

Ajo gjithashtu duhej të mësonte për herë të dytë se babai i saj i dashur kishte vdekur tre vjet më parë dhe papritur u përball me fytyrën që vajza e saj Abigail dhe djali i saj Phillip ishin rritur. Por, megjithëse ishte e hutuar nga ajo që i kishte ndodhur, ajo tha se zemra e saj i thoshte se mund t’i besonte Xhefit.

Ndërsa e stërviti atë gjatë muajve të ardhshëm të jetës, Jeff e prezantoi Angela-n me Evan dhe Maggie – dy fëmijët e Jeff-it që dyshja i kishte rritur së bashku që kur u martuan në 2001. Kur u bë mjaft mirë për t’u kthyer në shtëpinë që ndante me Jeff-in, Angela përshkroi se ndihej e tronditur nga mënyra se si shtëpia kishte ndryshuar.

Por në një vendim që “thjesht u ndje mirë”, ajo ndau një shtrat me burrin e saj që nga nata e tyre e parë në shtëpi.

02

Ndërsa dyshja u njohën përsëri, Jeff i tregoi Angela-s se si ishin takuar në kishë disa vjet pasi John kishte vdekur, dhe përshkroi se si ai e kishte propozuar për martesë në një atrium të mbushur me pemë dhe lule.

Në qershor të vitit 2018, pasi u dashuruan marrëzisht për herë të dytë, Angela dhe Jeff rinovuan betimet e tyre të martesës në një ceremoni në Central Park, Nju Jork.

“T’i them zotimet e mia këtij njeriu që më bëri të ndihesha i sigurt dhe i dashur, i cili kurrë nuk ishte lëkundur, ishte gjëja më e lehtë në botë”, tha Angela.

Tashmë, çifti mendojnë se humbja e kujtesës së Anxhelës i ka lejuar të gjejnë një dashuri edhe më të fortë, e cila u ka dhënë diçka më të madhe.

Jeff tha: “Përmes gjithë kësaj më është dhënë mundësia të hedh hapat e duhur dhe të rritem. Pa dyshim, kjo më ka bërë një njeri më të mirë.”

 

 

Përgatiti Orjona Tresa | Burimi mirror.co.uk

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
[email protected] / Cel: 0688019400

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top