Bebe Rexha ka publikuar herë pas here në rrjetet e saj sociale foto të pa edituara për të treguar se si duket trupi i saj në të vërtetë.
Këngëtarja shqiptare nuk e ka aspak problem të tregojë celulitin, strijat, apo edhe se sa ka ndryshuar që nga fëmijëria e saj.
Mbrëmjen e djeshme, Rexha vendosi të publikojë në llogarinë e saj në Instagram një foto të vjetër të vetes.
Në të, artistja shihet e veshur me një këmishë të bardhë me mëngë të shkurtra dhe një palë pantallona bezhë. Flokët në ngjyrë kafe të errët i ka të lëshuara dhe balluket i ka kthyer në njërën anë.
Bebe zbuloi se kjo foto është realizuar kur ajo ka qenë vetëm 8 vjeç.
Rexha e ka pranuar gjithmonë origjinën e saj shqiptare e madje gjatë intervistave ka folur edhe për traditat dhe kulturën e vendit të saj.
Para pak kohësh ajo zbuloi se në moshën 17-vjeçare të afërmit e saj donin ta martonin, pasi kjo është një pjesë e traditave të vendit tonë. Mirëpo këmbëngulja e nënës së saj ishte ajo që e “shpëtoi” Beben.
Burimi / PanoramaPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
