Sipas shkencëtarëve dhëmbët mund të zbardhen dhe të kenë një shkëlqim vezullues pa i dëmtuar. Hulumtimet kanë zbuluar një kimik të ri për t’u përdorur për zbardhjen e dhëmbëve që shmang dëmtimin e smaltit, siç bën peroksidi i hidrogjenit.
Peroksidi i hidrogjenit, i cili përdoret gjithashtu për zbardhjen e flokëve, zakonisht përdoret edhe për zbardhjen e dhëmbëve, por mund t’i bëjë ata më të ndjeshëm.
Tashmë një studim i botuar nga Shoqata Amerikane Kimike sugjeron përdorimin e një produkti kimik të modifikuar, siç është dioksidi titanik, i cili rezulton të jetë efektiv dhe njëkohësisht mbron dhëmbët.
Dioksidi i Titanit përdoret në të gjithë botën për të zbardhur plastika, letër, bojë, pilula dhe pasta të dhëmbëve. Përdoret gjithashtu në kozmetikë për të zbehur tonet e lëkurës. Një dentist e ka quajtur kërkimin “potencialisht emocionues” dhe thotë se mund të shmangë disa nga efektet anësore të peroksidit të hidrogjenit.
Në një eksperiment për të kontrolluar nëse dioksidi i titanit mund të punojë në teori, shkencëtarët e kombinuan atë me një lidhës natyral të quajtur polidopaminë. Ata thonë se kimikatet e kombinuara mund të aplikohen në dhëmbë dhe pastaj aktivizohen nën dritën blu në të njëjtën mënyrë si peroksidi i hidrogjenit.
Nga këto kërkime u arrit në përfundimin se veprimi i këtij produkti për katër orë, ka të njëjtën aftësi zbardhjeje si peroksidi i hidrogjenit dhe nuk i dëmton dhëmbët.
“Ky është një hulumtim interesant për një teknikë të re për zbardhjen e dhëmbëve”, tha Dr. Richard Marques, dentist në Wimpole Street në Londër.
Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
