Kërkimet e fundit tregojnë se kosi redukton rrezikun e një sulmi në zemër deri në 30% tek njerëzit me tension të lartë.
Të konsumohet të paktën dy herë në javë kos ul rrezikun për gratë që vuajnë me hipertension dhe nga problemet kardiovaskulare, të tilla si një atak në zemër ose goditje në tru, deri në 30% dhe tek meshkujt me 19%, është zbuluar nga një studim.
Hulumtuesit besojnë se një kombinim i fermentimit të kosit natyror dhe përmbajtjes së kalciumit sjell përfitime në zemrat e njerëzve.
Gjetjet e mëparshme sugjerojnë se kalciumi luan një rol në tkurrjen normale dhe relaksimin e zemrës, ndërsa probiotikët, të cilat gjenden në ushqimet e fermentuara, kanë qenë të lidhura me presionin e ulët të gjakut.
Autori i studimit Justin Buendia nga Universiteti i Bostonit tha se, ‘rezultatet japin prova të rëndësishme që kosi na jep përfitime në shëndetin e zemrës dhe duhet të jetë pjesë konsistente e një diete të pasur me fruta, perime dhe kokrra të pasura me fibra’. Rreth 1.5 milionë sulme në zemër dhe goditje në tru ndodhin çdo vit në SHBA.
Hulumtuesit analizuan 55,898 gra të moshës 30-55 vjeç nga Nurses’ Health Study dhe 18,232 meshkuj nga 40 deri në 75 vjeç nga Health Professionals Follow-Up Study. Të gjithë pjesëmarrësit e studimit vuanin nga presionin i lartë i gjakut dhe u mbajtën në vëzhgim deri në 30 vjet. Pjesëmarrësit plotësuan pyetësorët e ushqimit, të cilat studiuesit i përdorën për të llogaritur konsumin mesatar të kosit. Gjetjet janë botuar në American Journal of Hypertension.
Burimi / www.ata.gov.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
