Ne kemi marrëdhënie me shumë njerëz gjatë gjithë jetës sonë, por vetëm disa përfundojnë të jenë miqtë tanë dhe shumë pak përfundojnë si partneri ynë. Sipas studimeve të mëvonshme njerëzit nga kultura, klasa shoqërore, mosha dhe raca të ndryshme ndajnë një sens të përbashkët estetik të bukurisë njerëzore. Por a është bukuria kriteri i vetëm për të zgjedhur partnerin?
Si zgjedhim një partner
Ekziston besimi se gratë, kur është koha për të zgjedhur një partner, vlerësojnë burimet që mund të sjellë një mashkull, ndërsa burrat vlerësojnë bukurinë. Sipas biologjisë klasike evolucionare, kjo për faktin se burrat kërkojnë pjellorinë dhe aftësinë për t’u riprodhuar dhe gratë kërkojnë të kenë fëmijë dhe të jenë në gjendje të ushqejnë familjen e tyre.
Por ky besim ka ndryshuar. Marcel Zentner nga Universiteti i Innsbruck-ut kreu një studim në vende shumë të ndryshme si Irani, Arabia Saudite, Japonia, Finlanda, Suedia dhe Anglia dhe arriti në përfundimin se në ato vende ku barazia ndërmjet gjinive është më e madhe, kriteret kur përzgjidhen një partner priret të jetë i njëjtë mes burrave dhe grave. Prandaj, evolucioni që ka pësuar një shoqëri luan një rol.
Nga ana tjetër, ekziston edhe një teori që ADN-ja kushtëzon vendimet tona kur bëhet fjalë për zgjedhjen e partnerëve. Neil Rish nga Universiteti i Kalifornisë studioi modelet e individëve meksikanë dhe portorikanë kur zgjidhnin partnerë. Analizat e ADN-së zbulojnë se partnerët aktualë kanë paraardhës dhe gjeneratat e mëparshme gjithashtu kanë ndjekur të njëjtin impuls gjenetik.
Ligjet e tërheqjes
Ligji i njohjes. Ky ligj pohon se kontakti i shpeshtë me një person gjeneron dashuri dhe na bën më të mundur që të dashurohemi me të. Sa më shumë kohë të kalojmë me një person, aq më e madhe është mundësia që ai të na pëlqejë. Është gjithashtu e vërtetë se sa më shumë kohë kalojmë me dikë, aq më të mëdha janë mundësitë që të zemërohemi, por Shpancer pohon se ky është vetëm përjashtimi që vërteton rregullin.
Ligji i tërheqjes fizike. Edhe nëse kalojmë shumë kohë me një person, nuk do të na pëlqejë nëse nuk i duket tërheqës. Prandaj, pamja fizike luan një rol dhe përcaktues. Në parim, askush nuk është i gatshëm të ndajë jetën e tij me një person tjetër që nuk e tërheq fizikisht.
Ligji i personalitetit. Studiuesit kanë gjetur dy tipare të personalitetit që e bëjnë një person veçanërisht tërheqës: kompetencën dhe ngrohtësinë. Me kompetencë nënkuptojmë nivelin e inteligjencës dhe aftësive sociale të një personi, dhe me ngrohtësinë, aftësinë për të qenë të afërt dhe të dashur.
Ligji i afërsisë. Të gjithë e dimë se distanca në një marrëdhënie është diçka mjaft e ndërlikuar dhe se në planin afatgjatë, nëse partnerët nuk kalojnë kohë së bashku, marrëdhënia do të dështojë. Për këtë arsye, është e zakonshme që ne të zgjedhim një partner me të cilin kemi njëfarë afërsie, dikë që mund ta shohim shpesh dhe të vazhdojmë të krijojmë një marrëdhënie.
Ligji i ngjashmërisë. Sipas studimeve të ndryshme, ne jemi të tërhequr nga njerëz që janë si ne. Ne priremi të kërkojmë partnerë me të cilët ndajmë hobi, vlera dhe shqetësime. Nëse mund të zgjedhim mes disa njerëzve, do të preferojmë dikë që ka gjëra të përbashkëta me ne, në krahasim me një person që është shumë i ndryshëm.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
