Lodhja “fik” trurin dhe provokon humbje kujtese

Një studim i kryer në disa pacientët epileptikë tregoi se mungesa e gjumit pengon qelizat e trurit të komunikojnë mirë me njëra-tjetrën.

lodhja

Mungesa e gjumit ndërvepron me aftësinë e neuroneve për të koduar informacionin dhe kështu të përkthejë të dhënat vizuale në të menduarit e ndërgjegjshëm. Me fjalë të tjera, kur qelizat e trurit janë të lodhura, nuk janë në gjendje të komunikojnë me njëra-tjetrën, gjë që shpjegon arsyen pse ka humbje momentale të kujtesës, të tilla si harrimi i çelësave pas derës në mëngjes apo largimi nga shtëpisë pa marrë telefonin me vete.

Si funksionon?

Konfirmimi është bërë nga një studim i kryer nga Profesor Itzhak Fried i Universitetit të Kalifornisë dhe kolegu i tij Yuval Nir nga Universiteti i Tel Avivit tek mbi 12 persona (5 gra dhe 7 burra të moshës 19 deri në 52 vjeç) të prekur me epilepsi, të cilët nuk mund të trajtoheshin në mënyrë farmakologjike. Pasi u mbajtën zgjuar gjithë natën, pacientëve iu kërkua që të klasifikonin një shumëllojshmëri të imazheve sa më shpejt të ishte e mundur, ndërsa elektrodat e vendosura në trurin e tyre do të mund të zbulonin origjinën e krizave, të cilat llogariten gati 1.500 neurone në kohë reale.

Duke u përqendruar veçanërisht në lobin temporal (d.m.th, rajoni i trurit që rregullon perceptimin dhe kujtesën vizuale), studiuesit vunë re se si rritej lodhja e tyre, duke zvogëluar aftësinë e subjekteve për të kryer detyrën e besuar, dhe më interesantja, pasi ato ngadalësoheshin, edhe qelizat trurit të tyre bënin të njëjtën gjë.

“Ishte interesante të shihje se sa privimi i gjumit e dëmtoi aktivitetin e qelizave të trurit, duke nxitur neuronet të reagojnë më ngadalë ndaj stimujve”, shpjegon Dr. Nir në përfundimet e studimit, botuar në revistën Nature Medicine, ndërsa neurologu Fried nënvizoi se si “mungesa e orëve të përshtatshme të gjumit në tru, ishte e ngjashme me një grip të shkaktuar nga alkooli i tepërt”.

Përgatiti Orjona Tresa / Burimi http://www.corriere.it/

Artikuj të ngjashëm