Lourdes Leon Ciccone, vajza e parë e Madonës, u shfaq e panjohshme në rrjetet sociale. Ajo është bërë fytyra e fushatës së re të “Mugler” dhe në këtë rast ka ndryshuar në mënyrë drastike pamjen e saj. Ajo ka guxuar shumë dhe tashmë ka flokë shumëngjyrëshe.
Lourdes Leon Ciccone është vajza e parë e Madonna-s, që nga debutimi i saj në modë disa vite më parë, ajo ka dëshmuar të jetë mbretëresha e provokimit ashtu si nëna e saj. Ajo kaloi në tapetin e kuq ndërkombëtarë me flokët nën sqetulla të zbuluara, pozoi topless dhe u bë modele e të brendshmeve për Rihanna-n. Me pak fjalë, ajo i ka të gjitha kredencialet për t’u bërë divë. Prandaj nuk është për t’u habitur që “Maison Mugler” e ka zgjedhur atë si protagoniste të fushatës së saj të re. Pasi realizoi një video me një trup të zhveshur që të kujton korsenë ikonë të sutjenave me majë të nënës së saj të yllit të pop-it, tani Lola ka bërë një tjetër eksperiment me flokët e saj.
Lourdes Leon Ciccone pozon në një pamje “të dytë të lëkurës”
Mugler vazhdon të publikojë foto të reja të fushatës së tij të re reklamuese dhe mes protagonistëve të saj është gjithmonë Lourdes Leon Ciccone. Ajo kishte një tjetër veshje të guximshme në stilin e skllavërisë, por këtë herë të zezë me vija jeshile neoni dhe vija të bardha në këmbë. Mes pëlhurave të “lëkurës së dytë” dhe prerjeve sensuale të prera përgjatë gjithë siluetës, vajza e Madonna-s vuri në pah format e saj fizike që të lë pa frymë, duke dëshmuar se nuk ka asgjë për t’i pasur zili modelet profesionale. Më pas ajo e kompletoi të gjitha me një palë sandale me taka stileto të veshura mbi dollakë me hekura. Në profilin e saj social ajo ka shpërndarë disa foto, duke shkruar “Big kitty”, ose “Gattona”.
Ngjyra e re e flokëve të Lolës
Vetullat e trasha dhe të theksuara, një vijë lapsi rreth gojës në stilin e viteve ’90: vajza e Madonna-s zgjodhi një grim pak të theksuar për fotosesionin e modës. Megjithatë, lajmi i vërtetë janë flokët e saj: i ka lënë të gjatë, por ka shtuar tufa shumëngjyrëshe, nga e kuqja në gri, deri tek e verdha fluoreshente dhe platini. Për momentin nuk dihet nëse janë vetëm zgjatime me ngjyra, por e sigurta është se edhe në këtë version shumëngjyrëshe Lourdes është gjithmonë e bukur.
Përgatiti S.P / Burimi www.fanpage.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
