Migrena mund të përkeqësohet nga depresioni dhe ankthi, dhe anasjelltas. Përkundër faktit se rreth 12 për qind e të rriturve amerikanë përjetojnë migrenë, shkaqet e sakta pas dhimbjeve të kokës akute nuk kuptohen mirë.
Migrena krijon një ndjesi të ngrirjes intensive, dhe shpesh shoqërohet me të përziera, marramendje dhe ndjeshmëri ndaj dritës dhe zërit, që mund të zgjasë deri në 72 orë.
Në thelb ekzistojnë dy lloje të migrenave: ato me aure, dhe ato pa aure. Aurat janë një grup i simptomave të sistemit nervor. Një migrenë me aure mund të shkaktojë reagime ndaj dritës ose, muzikës dhe madje edhe ndjeshmëri më të lartë ndaj prekjes.
Provat tregojnë se dhimbjet e kokës janë të paktën pjesërisht gjenetike, por mund të shkaktohen nga një numër faktorësh, siç janë stresi, ndryshimet hormonale (për femrat), aktiviteti rigoroz fizik, dhe ushqime të caktuara ose stimuj ndijor.
Dihet se nivelet e serotoninës ulen në migrenë, gjë që mund të tregojë se hormoni është i përfshirë në fillimin e dhimbjes së kokës. Nivelet e ulëta të serotoninës besohet gjithashtu se shkaktojnë çrregullime të humorit të tilla si ankthi dhe depresioni.
Migrena gjithashtu është rreth tre herë më e zakonshme tek femrat sesa tek meshkujt.
Por ky studim zbuloi se, pavarësisht nga gjinia, ndër faktorët e tjerë komplikues, ishin simptomat e ankthit dhe depresionit.
Studimi nuk shpjegon pse pikërisht këto gjëra janë kaq të ngushta, por ato krijojnë lidhje të qarta midis frekuencës së migrenës, ashpërsisë së ankthit dhe depresionit, dhe mungesës së gjumit.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
