Jemi duke përjetuar debulesë, mbilodhje dhe dehidratim për shkak të ditëve me temperatura të larta që po kalojmë. Por si t’i dallojmë shenjat?
Shenjat e këputjes nga vapa janë:
- Frymëmarrja është e shpejtë dhe e dobët
- Marrje mendsh
- Goja është e thatë, keni djersitje të tepërt
- Këputje dhe dhimbje koke
- Zbehje e ngjyrës së lëkurës
- Pulsi është i shpejtë dhe i dobët
- Lëkura në prekje është e lagësht dhe e ftohtë
- Mbilodhje, të vjella, si dhe të përziera
Shenjat e goditjes nga dielli janë:
- Marrje mendsh
- Temperaturë e lartë e trupit (mbi 39 gradë celsius)
- Dhimbje koke
- Mungesë djersitje
- Të përziera
- Pulsi i shpejtë dhe i fortë
- Lëkurë e kuqe e skuqur e cila është e nxehtë dhe e thatë (në të prekur).
- Debulesë e fortë trupore
Disa rregulla që ndihmojnë për të mbrojtur shëndetin:
- Mos dilni nga shtëpia gjatë orëve të nxehta dhe mbroni dritaret nga dielli.
- Pini një deri në dy litra ujë në ditë, lëngje frutash etj.
- Konsumoni ushqime të lehta të ndara në porcione.
- Konsumoni fruta të bollshme dhe perime të freskëta.
- Freskoni dhomat me ventilatorë apo kondicionerë, me temperaturë jo poshtë 25° C.
- Ajrosni makinën që është për një kohë të gjatë në diell, duke hapur dyert dhe ndizni kondicioner para se të lëvizni me të.
- Përdorni pajisjet e ruajtjes nga dielli dhe mos i lini fëmijët vetëm në makina.
- Bëni banja dhe dushe, por jo nën temperaturat 25° C.
- Ruani ilaçet nga burimet e nxehtësisë dhe rrezet e drejtpërdrejta të diellit.
- Ruani në frigorifer të gjitha ilaçet që kërkojnë temperatura jo më të larta se 25-30° C dhe të gjitha shishet e shurupeve apo ilaçet me pika, të cilat sapo janë hapur.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
