E njeh gjumin? Atë pushim të lumtur, që e lejon trupin të pushojë dhe shkarkojë toksinat dhe trurin të eliminojë “mbeturinat”? Epo, ai përbëhet nga një seri ciklesh, disa prej të cilave karakterizohen nga të ashtuquajturat faza REM.
Të sëmurët nga migrena mund të kenë probleme të veçanta në këtë fazë me një kohë më të shkurtër të gjumit REM me cilësi të mirë sesa ata që nuk kanë pse të përballen me dhimbjen e fortë të kokës. Kjo është ajo që ka rezultuar nga një hulumtim i koordinuar nga ekspertë nga King’s College London, botuar në Neurology.
Pula vezën apo veza pulën?
Nuk dihet se çfarë vjen së pari. Me pak fjalë, ne përpiqemi të kuptojmë nëse cilësia e dobët e gjumit është në bazë të krizave të migrenës, ose nëse në vend të kësaj dhimbja torturuese e kokës është ajo që shkakton vështirësi për të pushuar mirë. Për këtë arsye, ekspertët ekzaminuan rezultatet e mbi 30 studimeve klinike, të cilat përfshinin më shumë se 10.000 njerëz, pikërisht për të vlerësuar ndikimin e dhimbjes në gjumë.
Duke analizuar si përgjigjet e dhëna nga njerëzit e konsideruar në pyetësorë specialë ashtu edhe në testimet specifike për të vlerësuar cilësinë dhe thellësinë e pushimit, ekspertët kanë parë se në përgjithësi të sëmurët nga migrena kanë rezultate të ndryshme testesh sesa bashkëmoshatarët e tyre të shëndetshëm dhe fotografia tenton të përkeqësohet më tej nëse problemi është migrena kronike. Diçka e ngjashme ndodh edhe tek fëmijët.
Burimi / https://dilei.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
