Ka shumë përbërës natyralë, konsumi i të cilëve ofron përfitime të shumta shëndetësore. Një nga këto është padyshim mjalti, një përbërës i gjithanshëm dhe i pasur me lëndë ushqyese. Mjalti, nëse është i pastër dhe plotësisht i natyral, është i pasur me antioksidantë, vitamina të tilla si B, C, D dhe E, si dhe minerale të shumta, si hekuri, bakri, fosfori, kaliumi, kalciumi, magnezi, zinku dhe mangani.
Përveç që është i shijshëm, mjalti është gjithashtu një alternativë e shëndetshme për sheqerin e përpunuar. Përfitimet e mjaltit janë të shumëfishta dhe më poshtë rendisim më të rëndësishmet:
Ndihmon në luftimin e pagjumësisë. Një lugë mjaltë i tretur në një çaj bimor relaksues, nëse pihet para gjumit prodhon një efekt relaksues në tru, duke stimuluar gjumin. Mjalti rrit veprimin e triptofanit, përgjegjës për prodhimin e serotoninës në trup.
Përmirëson tranzitin e zorrëve dhe është një ilaç efektiv për kapsllëkun. Ka një veprim të ngjashëm me atë të fibrës natyrale dhe është i dobishëm për florën e zorrëve.
Aktivizon trurin, duke përmirësuar funksionet e tij, falë mineraleve si kalciumi, fosfori dhe hekuri. Kalciumi është aleati i shkëlqyeshëm i neuroneve dhe lehtëson transmetimin e informacionit, ndërsa hekuri dhe fosfori përmirësojnë funksionet e sistemit nervor.
Karakteristikat antiseptike dhe antimikrobike na ndihmojnë të luftojmë infeksionet, ftohjet, gëlbazën dhe dhimbjet e muskujve.
Mjalti është një produkt perfekt për lëkurën: ai hidraton, kuron djegien nga dielli dhe zvogëlon shfaqjen e akneve. Karakteristikat e tij antibakteriale janë të shkëlqyera për trajtimin e psoriazës dhe lehtësimin e shërimit të plagëve.
Konsumimi i mjaltit ndihmon në zbutjen e simptomave të alergjisë gjatë sezonit të lulëzimit. Bletët depozitojnë një pjesë të polenit të bimëve në mjaltin që prodhojnë, kjo është arsyeja pse konsumimi i tij disa javë përpara pikut më të lartë të pjalmimit na ndihmon të asimilojmë më mirë efektet e tij.
Burimi / https://www.rimedio-naturale.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
